Salmos
א [álef]*
3 Paykunaqa manan mana chanin kaqtaqa ruwankuchu;
aswanmi paypa ñannillanpi purinku.+
4 Diosniyku, qanmi kamachiwarqankiku,
kamachikuyniykikunata llapanta junt’anaykupaqmi kamachiwarqankiku.+
5 Maytan munayman qan sonqolla kayta,+
chhaynapi kamachikuyniykikunata kasukunaypaq.
6 Manan jayk’aqpas p’enqaypiqa tarikusaqchu,+
kamachikuyniykikunata kasukuspaqa manan p’enqaypiqa kasaqchu.
7 Chanin sonqoywanmi jatunchasayki,
chaninchasqaykikunata yachaspan jatunchasayki.
8 Kamachisqayki simikunatan kasukusaq.
Amapuni sapaytaqa saqerpariwaychu.
ב [bet]
9 ¿Imaynatan juj wayna ch’uyata kausanman?
Simiykiman jina sapa ratu t’aqwikuspan,
kamachisqaykiman jina kausaspan.+
10 Tukuy sonqoywanmi maskhamushayki,
amapuni munaychu kamachikuyniykikuna saqenaytaqa.+
11 Simiykikunaqa sonqoypin allin waqaychasqa kashan,+
chaykunan yanapawan qan contra ama juchallikunaypaq.+
12 Diosníy Jehová, alabasqa kay.
Llapa kamachikuyniykikunata yachachiway.
13 Chaninchaykuna orqomusqaykitan willani,
simiywanmi chaykunata willani.
16 Kamachikuyniykikunatan munakuni;
manapunin simiykitaqa qonqasaqchu.+
ג [guímel]
17 Kay kamachiykita sumaqta qhawariway,
chhaynapi kausanaypaq, simiykitapas kasukunaypaq.+
18 Ñawiyta kichariway allinta rikunaypaq,
leyniykiqa may munay kasqanta allinta reparanaypaq.
19 Noqaqa forastero runallan kani kay jallp’apiqa.+
Ama noqamanta kamachikuyniykikunata pakaychu.
20 Chaninchasqaykimantan yachayta munashani,
maytapunin sonqoyqa chayta munashan.
21 Qanmi jatunchakuq runakunata anyanki,
leyniykimanta t’aqakuq ñakasqakunatan anyanki.+
22 Asipayaymanta, pisichasqa kaymanta libraway;
noqaqa yuyarichiyniykikunaman jinan kausani.
23 Autoridadkunaña tiyaykuspa noqa contra rimanku chaypas,
noqaqa kamachikuyniykikunapin yuyaymanani.
ד [dálet]
25 Jallp’a pampapin wijch’usqa kashani.+
Promesaykiman jina kausachishallaway.+
26 Mayninchus purisqaytan willakurqayki, qanqa uyariwarqankin;
kamachikuyniykikunata reqsichiway, chaykunata yachachiway.+
27 Imaynachus kamachikuyniykikuna chayta allinta entiendechiway,
chhaynapin musphanapaq kaqkunata ruwasqaykipi yuyaymanasaq.+
28 Sinchi llakiq ñit’isqanmi mana puñuytapas atinichu.
Ama jinachu kay, promesaykiman jina kallpata qoykuway.
29 Yanapaway ama q’otukuq runa kanaypaq;+
leyniykita yachachiway, sumaqta qhawariway.
30 Noqaqa qan sonqollapunin kasaq.+
Chaninchasqaykikunaqa allinpunin.
31 Yuyarichiyniykikunataqa manapunin saqesaqchu.+
Diosníy Jehová, amayá jayk’aqpas p’enqachisqachu kasaq.+
32 Tukuy sonqoywanmi kamachikuyniykikunaman jina purisaq,
chaypaq jinan qanqa sonqoyta ruwawarqanki.
ה [he]
33 Jehová Diosníy, kamachikuyniykikunaman jina puriyta yachachiway,+
tukukuykaman chayman jina purisaq.+
34 Allin yuyayniyoq kayta qoway,
chhaynapin kamachikuyniykikunata kasukusaq,
tukuy sonqoywanmi chaykunata junt’asaq.
35 Kamachikuyniyki ñanninta pusaway,+
chayninta purispallan kusikuyta tarini.
36 Yuyarichiyniykikunapi sonqoyqa kachun,
amataq yanqa munapayaymanchu richun.+
38 Noqa kamachiyki runaman promesa ruwawasqaykita junt’ay,
chhaynapin manchakuna kanki.*
39 Manchachiwaq p’enqasqa kayta noqamanta karunchay;
chaninchasqaykikunaqa may allinmi.+
40 Noqaqa maytan munakuni kamachikuyniyki simikunata.
Chanin kasqaykiman jina kausachishallaway.
ו [waw]
42 Chhaynapin k’amiwaqniyman kutichisaq.
Noqaqa qanpa simiykipin confiani.
43 Ama simiymanta cheqaq rimayta qechuwaychu;
noqaqa juchachay simiykitan suyakuni.
44 Tukuy tiempon kamachikuyniykikunata junt’asaq,
wiñay-wiñaypaqmi chaykunaman jina kausasaq.+
45 Noqaqa kamachikuyniykikunatan maskhani,
chaymi allin ñannillanta, jatun ñannillanta purisaq.+
46 Reykunaq ñaupanpin yuyarichiyniykikunamanta rimasaq,
mana p’enqakuspan chaykunamanta willasaq.+
47 Kamachikuyniykikunatan mayta munakuni,
sonqomantan chaykunataqa munakuni.+
ז [zayin]
49 Kamachiyki runaman promesa ruwasqaykita yuyariy,
chay promesallapin noqaqa suyakushani.
50 Chaykunan llakikuypi tarikuqtiy kallpachawan,+
simillaykin noqataqa kunankamapas kausachishawan.
51 Maytaña jatunchakuq runakuna asipayawanqa chaypas,
manapunin leyniykimantaqa karunchakusaqchu.+
53 Millay runakunaraykun k’araq phiñasqa kashani,
leyniykita saqesqankumantan may colerasqa kashani.+
54 Maypiña kani chaypas, maypiña tiyani chaypas,
kamachikuyniykikunaqa taki jinan noqapaqqa.
55 Jehová Diosníy, tutakunan sutiykita yuyarini,+
kamachikuyniykikunata junt’aypin yuyaymanani.
56 Noqaqa chay ruwayman yachasqan kani,
kamachikuyniykikunata kasukusqayraykun chhayna kani.
ח [jet]
57 Jehová Diosmi noqaman tupaq herenciayqa.+
Llapa simiykita kasukunaypaqmi prometekuni.+
58 Sumaqta qhawariwanaykitan tukuy sonqoywan maskhashani.+
Promesa ruwasqaykiman jina khuyapayaykuway.+
59 Mayninchus purisqaytan allinta qhawarikurqani,
chhaynapi chakiykuna yuyarichiyniykikunaman kutimunanpaq.+
60 Kamachikuyniykikunataqa usqhayllan junt’ani,
mana imata suyaspan chaykunataqa junt’ani.+
61 Millay runakunaq waskhankunan muyuykuwan,
chaywanpas manapunin noqaqa kamachiyki simikunataqa qonqanichu.+
62 Kuska tuta horasmi qanman graciasta qonaypaq jatarini,+
chaninchasqaykikunamanta “gracias” ninaypaqmi sayarini.
64 Jehová Diosníy, mana tukukuq munakuyniykiqa kay pacha junt’an kashan.+
Diosníy, kamachikuyniykikunata yachachiway.
ט [tet]
65 Diosníy Jehová, sumaqtan kay kamachiykita qhawariwarqanki,
promesa ruwasqaykiman jinan qhawariwarqanki.
66 Allin yuyayniyoq kayta qoway, allin yachayta qoway,+
noqaqa kamachikuyniykikunapin jap’ipakuni.
67 Mana yuyayniyoq kayniypin juchapakurqani,
juchay jawan ñak’arirqani,
kunanmi ichaqa simiykiman jina purishani.+
68 Qanqa sumaq sonqo Diosmi kanki,+
ruwasqaykikunapas may munaymi.
Kamachikuyniyki simikunata yachachiway.+
69 Jatunchakuq runakunaqa imaymanata llullakuspan tumpawanku,
noqan ichaqa kamachikuyniykikunata tukuy sonqo kasukuni.
71 Sufrichisqa kasqayqa allinniypaqmi karqan,+
chhaynapin kamachikuyniykikunata allinta entienderqani.
72 Kamachikuy simiykikunaqa allinmi noqapaqqa,+
waranqa-waranqa qorimantapas qolqemantapas aswan allinraqmi.+
י [yod]
73 Makiykin llut’awarqanpas ruwawarqanpas.
Allin yuyayniyoq kayta, allin yachayta qoway,
chhaynapin kamachikuyniyki simikunata yachasaq.+
74 Manchakuqniykikunaqa noqata rikuwaspan kusikunku,
noqaqa simiykipin suyakuni.+
75 Diosníy Jehová, yachanin chaninchasqaykiqa allinpuni kasqanta,+
junt’aq kasqaykirayku castigawasqaykitapas.+
76 Diosnilláy, ama jinachu kay,
mana tukukuq munakuyniyki+ kallpachawachun,
prometewasqaykiman jina kay kamachiykita sonqochaway.
78 Uma oqariqkunaqa p’enqachisqa kachunku,
paykunaqa yanqamantan ñak’arichiwanku.
Noqaqa kamachikuyniyki simikunapin yuyaymanasaq.+
79 Qanta manchakuqkuna noqaman jamuchunku,
yuyarichiyniykikunata yachaqkuna noqawan juñukuchunku.
80 Kamachikuyniykikunata tukuy sonqoywan kasukunaypaq yanapaway,+
chhaynapi ama p’enqaypi tarikunaypaq.+
כ [kaf]
81 Maytan munashani librawanaykita,+
noqaqa simiykipin suyakuni.
82 Maytan munashani promesa ruwasqayki junt’akunanta,+
“¿jayk’aqtaq sonqochawanqari?”+ nispan nishani.
83 Noqaqa q’osñiq ch’akichisqan qara p’uyñu* jinan kani,
ichaqa manapunin kamachikuyniykikunataqa qonqanichu.+
84 ¿Jayk’aqkamataq kay kamachiykiri suyakusaq?
¿Jayk’aqmi juchachanki qatikachawaq runakunata?+
85 Jatunchakuqkunan t’oqokunata ruwanku,
kamachikuyniyki contra jatariqkunan pampata jasp’inku,
jap’iwanankupaqmi chaykunata ruwanku.
86 Llapa kamachikuyniykikunaqa confianapaq jinan.
Yanqamantan qatikachashawanku,
¡Diosnilláy, yanapaykuway!+
87 Yaqan kay pachamanta chinkachiwanku,
chaywanpas manan kamachikuy simiykitaqa saqerqanichu.
88 Mana tukukuq munakuyniykipi kausachishallaway,
chhaynapin noqaqa llapa yuyarichiyniykikunata waqaychasaq.
ל [lámed]
89 Jehová Diosníy, simiykiqa janaq pachapin kashan,+
wiñay-wiñaypaqmi chaypi churasqa kashan.
90 Junt’aq kayniykiqa mana tukukuqmi.+
Qanmi kay pachata allinta tajyachirqanki,
mana jayk’aq chinkananpaq jinan sayachirqanki.+
91 Llapa chaykunaqa* qanpa kamachiykipin kashanku,
kamachisqaykiman jinan kunankamapas kaqlla kashanku.
92 Manachus kamachikuyniykita munakuyman karqan chayqa,
ñak’arisqaypichá wañupuyman karqan.+
93 Manan jayk’aqpas qonqasaqchu kamachikuyniykikunataqa,
chaykunawanmi noqataqa kausachishallawarqanki.+
95 Millay runaqa wañuchiyta munawaspan suyapashawan,*
noqan ichaqa yuyarichiyniykikunapi allinta yuyaymanani.
96 Rikusqayman jinaqa, llapa ima allin-allin ruwasqapas tukukuqllan,
kamachikuyniyki simin ichaqa mana jayk’aq tukukuq.
מ [mem]
97 ¡Maytan munakuni kamachikuyniykitaqa!+
P’unchay ch’isiyaqmi chayllapi yuyaymanani.+
98 Kamachikuyniykikunaqa noqallawanmi kashan,
chaykunan enemigoykunamantapas aswan yachayniyoqman tukuchiwan.+
99 Noqaqa yuyarichiyniykikunapin yuyaymanani,
chaymi yachachiwaqniy runakunamantapas aswan allin reparaq kani.+
100 Noqaqa kamachikuyniyki simikunaman jinan kausani,
chaymi kuraq runakunamantapas aswan yachaywan imatapas ruwani.
101 Manan mana allin ñanmanqa jaykunichu,+
simiykiman jina kausanayraykun mana chaymanqa jaykunichu.
102 Qanmi kamachikuyniykikunataqa yachachiwarqanki,
chaymi mana chaykunamantaqa t’aqakunichu.
103 ¡May sumaqpunin yachachikuyniyki simikunaqa!
¡Mielmantapas aswan misk’in chaykunaqa!+
נ [nun]
106 Juj juramentotan ruwarqani, chaytan junt’asaq,
chaninchasqaykiman jinan kausasaq.
108 Jehová Diosníy, tukuy sonqoywan jatunchasqayta sumaqta chaskiykuway;+
chaninchayniykikunata yachachiway.+
109 Sapa kutillanmi wañuy patapi rikukushani,
chaywanpas manapunin leyniykitaqa qonqanichu.+
110 Millay runakunan trampata churawanku,
noqan ichaqa manapuni kamachikuyniykikunamanta t’aqakunichu.+
111 Yuyarichiyniykikunataqa wiñaypaq herenciata jinan chaskikuni,
chaykunan sonqoyta mayta kusichin.+
112 Noqaqa kamachikuyniykikunata kasukuspan kausasaq,
tukuy kausasqay tiempon chaykunata kasukusaq.
ס [sámekh]
115 Millay runakuna, karunchakuychis noqamanta,+
noqaqa Diosniypa kamachikuynintan kasukusaq.
116 Promesa ruwasqaykiman jina yanapaway,+
chhaynapin noqaqa kausashallasaq.
Noqaqa qanllapin suyakushani,
amapuni p’enqaypi kanaytaqa munaychu.+
118 Qanqa cheqnikunkin kamachikuyniykikunamanta t’aqakuqkunataqa,+
paykunaqa llulla runakunan kanku, engañaqkunan kanku.
119 Kay pachapi millay runakunataqa q’opata jinan wijch’upunki,+
chaymi noqaqa yuyarichiyniykikunata munakuni.
120 Manchakuykin, cuerpoyraqmi khatatatashan,*
chaninchasqaykikunatan manchakuni.
ע [ayin]
121 Chanin kaqtan, allin kaqtan noqaqa ruwarqani.
¡Amapuni sarunchaqniykunaq makinpiqa saqerpariwaychu!
122 Prometeway kay kamachiykita yanapawanaykipaq,
amapuni jatunchakuq runakunaqa sarunchawachunkuchu.
123 Salvawanaykitan suyakushani,
promesaykikuna junt’akunantan suyakushani,+
ñawiypas sayk’upunñan qhawasqaypi.+
125 Noqaqa kamachiykin kani, allin yachayta qoway,+
chhaynapi yuyarichiyniykikunata allinta entiendenaypaq.
126 Jehová Dios, paykunaqa leyniykitan saruncharqanku,
chaymi castiganayki p’unchayqa chayamunña.+
127 Noqaqa maytan kamachikuyniykikunata munakuni,
qorimantapas, ch’uyayachisqa qorimantapas astawanraqmi munakuni.+
פ [pe]
129 Yuyarichiyniykikunaqa may allinpunin,
chaymi noqaqa chaykunata kasukuni.
131 Simiyta kicharisparaqmi samapakuni,
kamachikuy simiykikunatan mayta munashani.+
132 Noqaman kutirimuway, khuyapayayniykita rikuchiway,+
sutiykita munakuqkunapaq kamachisqaykiman jina chayta rikuchiway.+
133 Simiykiman jina allinta purichiway,
ama mana allinqa munaychakuwachunchu.+
134 Sarunchawaqniy runakunamanta libraway,
noqaqa kamachikuyniykikunaman jinan kausasaq.
135 Kay kamachiykita kusisqa uyawan qhawariway,+
kamachikuyniyki simikunata yachachiway.
136 Weqeykunaqa mayu jinaraqmi ñawiymanta phawamushan,
runakuna leyniykita mana kasukusqanraykun chhayna kashani.+
צ [sadé]
138 Yuyarichiyniykikunaqa chaninpunin,
chaykunaqa confianapaq jinapunin.
139 Qanta munakuymi sonqoypi raurarishan,+
cheqniwaqniykuna simiykikunata qonqapusqankuraykun raurarishan.
141 Noqaqa pisichasqan kani, manapas kaymanchu jinan kani,+
chaywanpas kamachikuyniykikunataqa manan qonqanichu.
143 Llakikuypiña ñak’ariypiña tarikuni chaypas,
munakushallanin kamachikuyniykikunataqa.
144 Yuyarichiyniykikunaqa wiñaypaqmi, chanillanpunin.
Allin yuyayta qoway,+ chhaynapi kausashanallaypaq.
ק [qof]
145 Diosníy Jehová, tukuy sonqon wajakamuyki, uyarimuway.
Noqaqa kamachikuyniykikunatan kasukusaq.
146 Qanllatan wajakamuyki, ¡libraway!
Yuyarichiyniykikunaman jinan kausasaq.
147 Manaraq pacha illarimushaqtinmi yanapayniykita mañakunaypaq jatarini,+
qanpa yachachikuyniykipin noqaqa suyakuni.
148 Tuta horaskunatan ñawiykuna qhawarin,
simiykipi yuyaymananaypaqmi kicharikun.+
149 Mana tukukuq munakuyniykipi wajakusqayta uyarimuway,+
Jehová Diosníy, chanin kasqaykiman jina kausachishallaway.
150 Ñan jamushankuña mana p’enqarikuspa juchallikuqkunaqa,
paykunaqa leyniykimantan karupi kashanku.
152 Yuyarichiyniykikunamantan unayña kayta yacharqani,
chay simikunataqa wiñaypaq kananpaqmi churasqanki.+
ר [resh]
153 Khayna ñak’arisqayta qhawarimuway, libraway;+
noqaqa manan leyniykitaqa qonqanichu.
154 Defiendeway, libraway,+
promesaykiman jina kausachishallaway.
155 Salvasqa kayqa karupin kashan millay runakunamantaqa,
paykunaqa manan maskharqankuchu kamachikusqayki simikunataqa.+
156 Jehová Diosníy, jatunmi khuyapayayniykiqa.+
Chanin kasqaykiman jina kausachishallaway.
157 Askhapunin qatikachawaqniy runakunaqa, cheqniwaqniy runakunapas,+
chaywanpas noqaqa manapunin yuyarichiyniykikunamantaqa t’aqakunichu.
158 Traicionero runakunataqa millakunin,
paykunaqa manan simiykiman jinachu kausanku.+
159 Diosníy, qhawariy, tukuy sonqon munakuni kamachikuyniykikunataqa.
Diosníy Jehová, mana tukukuq munakuyniykipi kausachishallaway.+
ש [sin o shin]
161 Autoridadkunan mana imamanta qatikachawanku.+
Noqan ichaqa simiykikunamanta may admirasqa kashani.+
162 Simiykiqa maytan kusichiwan,+
chaykunaqa qori jinan noqapaqqa.
164 Sapa p’unchaymi qanchis kutita yupaychayki,
chaninchasqaykikunamantan alabayki.
166 Diosníy Jehová, qanpa salvacionniykitan suyakushani,
qanpa kamachikuyniykikunatan kasukuni.
167 Noqaqa yuyarichiyniykikunaman jinan kausani,
tukuy sonqoywanmi chaykunataqa munakuni.+
168 Llapa kamachikuyniykikunata, yuyarichiyniykikunatan kasukuni;
qanqa makillan qhawamushanki imakunachus ruwasqayta.+
ת [taw]
170 Rogakusqayta uyarimuway,
promesaykiman jina salvaway.
171 Simiymanta qanta jatunchay lloqsimuchun,+
qanmi kamachikuyniykikunata yachachiwaqqa kanki.
172 Qalluymi rimasqaykikunamanta takinqa,+
kamachikuyniykikuna chanin kasqanrayku.
174 Diosníy Jehová, librawanaykitan suyakushani;
leyniykitaqa anchatan munakuni.+
175 Jatunchaytan munayki, chayrayku kausachishallaway;+
chaninchayniykikuna yanapawachun.
176 Chinkasqa oveja jinan purishani.+
Kamachikuyniyki simitaqa manan qonqanichu,+
chayrayku jamuy kay kamachiyki runa maskhaq.