Job
12 Jinan Jobqa khaynata nirqan:
2 “¡Qankunaqa allin yachaysapamá kasqankichis!
¡Wañuqtiykichispas qankunawanchá yachayqa ripunqa!
3 Noqapas entiendenin imallatapas.
Qankuna jinan noqapas kani.
¿Pin kaykunata mana yachanmanchu?
Mana juchachana chanin runapas asipayanapaqmá kasqa.
5 Mana imamanta llakikuq runaqa asipayanmi sasachakuykunata,
payqa piensan llakipi tarikuqkunalla* ñak’arinankutan.
6 Suwakunapas thajmi karpankupi tiyanku,+
Dios contra sayariqkunapas mana imamanta llakikuspan tiyanku,+
idolonkuta jap’iykuspan thaj tiyanku.
7 Animalkunata tapurikuy, paykunan yachachisunki;
altonta phalaqkunata tapukuy, paykunan willasunki.
8 Kay jallp’ata allinta qhawariy, paypas yachachisunkin;
lamar-qochapi challwakunata tapukuy, paykunapas willasunkin.
9 ¿Manachu paykunaqa yachanku pichus kaykuna ruwasqanta?
¿Manachu paykunaqa yachanku Jehová Diospa makin kaykuna ruwasqanta?
11 Qalluqa allintan reparan mijuna sumaqchus manachus chayta,+
chhaynatan ninripas allinta reparan runaq rimasqan sumaqchus manachus chayta.
12 ¿Manachu kuraq runakunaqa yachayniyoq kanku?+
¿Manachu unayña kausaq runakunaqa allin yuyayniyoq kanku?
14 Diospa thunisqantaqa manan pipas jatarichiyta atinmanchu,+
paypa wisq’asqantaqa manan pipas kichariyta atinmanchu.
16 Diosqa kallpayoqpunin, payqa yachayniyoqpunin;+
paypa makinpin kashan juchallikuqkunapas jujkunata pantachiqkunapas.
18 Paymi reykunaq watasqan runakunata kacharichin,+
paymi reykunata esclavoman tukuchin.
19 Paymi sacerdotekunatapas q’ala chakillata purichin,+
paymi allin tajyasqa kamachikuqkunatapas wijch’un.+
20 Paymi yuyaychaq runakunaq simintapas wisq’an,
paymi kuraq runakunatapas mana yuyayniyoqman tukuchin.
21 Paymi autoridadniyoq runakunatapas pisichan,+
paymi atiyniyoqkunatapas mana kallpayoqman tukuchin.
22 Paymi laqhayaq* ukhupi kaqkunatapas sut’inchan,+
paymi sinchi laqhayaq ukhutapas k’anchayman tukuchin.
23 Paymi nacionkunatapas jatunman tukuchin, jinaspa thunin;
paymi llaqtakunatapas jatunyachin, jinaspa jujpa makinman entregan.
24 Paymi llaqta umallikunata mana yuyayniyoqman tukuchin,
ch’in pampakunapin, ch’usaq pampakunapin comunta purichin,+
25 machasqata jinan paykunata purichin.+
Tutapi jinan paykunaqa purinku,
k’anchaypa mana kasqan laqhayaqpi jinan purinku.+