1 Crónicas
29 Chaymantataq rey Davidqa llapa Israel runakunata nirqan: “Diosmi churiy Salomontaqa rey kananpaq ajllarqan,+ payqa waynallaraqmi manan imatapas allintaraqchu yachan.+ Kay wasi ruwanan ichaqa sinchi jatunpuni, manan kayqa runapaqchu aswanpas kikin Jehová Diospaqmi.+ 2 Noqaqa tukuy atisqaytan ruwarqani Diospa wasinta ruwakunanpaq imaymanata juñumunaypaq. Chaymi juñumurqani qorita qoriwan llank’anankupaq, qolqeta qolqewan llank’anankupaq, cobreta cobrewan llank’anankupaq, fierrota fierrowan llank’anankupaq,+ maderata+ maderawan llank’anankupaq. Chaymantapas juñumurqanin ónice rumikunata, k’askachinapaq rumikunata, adornanapaq juch’uy color-color munay rumichakunata, imaymana ancha valorniyoq munay rumikunata, askha yuraq rumikunata ima. 3 Chaykunataña Diospa ch’uya wasinpaq juñumurqani chaypas, Diosniyta munakusqayraykun+ Diospa wasinta ruwakunanpaq noqaq kaqniymanta qoshani qoritapas qolqetapas.+ 4 Kaykunatan qoshani: Ofirmanta apamusqa+ kinsa waranqa talento* pesaq qorita, qanchis waranqa talento pesaq ch’uyanchasqa qolqeta. Chaykunatan qoshani Diospa wasinpi kaq cuartokunaq perqankunata forrakunanpaq, 5 qoriwan llank’akunanpaq, qolqewan llank’akunanpaq, allin yachaq artesanokuna llank’anankupaq ima. Chhaynaqa, ¿pin Jehová Diosman regalota apamullanmantaq?”,+ nispa.
6 Jinan regalokunata apamunankupaq nirqanku familiapi umallikuna, Israel ayllukunaq umallinkuna, waranqa runakunaq umallinkuna, pachaj runakunaq umallinkuna,+ reypa llank’aqninkuna ima.+ 7 Paykunan Diospa wasinta ruwakunanpaq qorqanku: Pisqa waranqa talento pesaq qorita, chunka waranqa dárico* qolqeta, chunka waranqa talento pesaq qolqeta, chunka pusaqniyoq waranqa talento pesaq cobreta, pachaj waranqa talento pesaq fierrotawan. 8 Ancha valorniyoq munay rumikunata apamuqkunataq Jehová Diospa valorniyoq cosaskunata waqaychana cuartoman chay rumikunata aparqanku, chay cuartokunamantan encargasqa karqan Guersón runa+ Jeyel.+ 9 Israel runakunaqa kusisqan kasharqanku chay regalokunata apamusqankumanta, paykunaqa tukuy sonqomantan chaykunata Jehová Diospaq apamurqanku,+ rey Davidpas ancha kusisqan kasharqan.
10 Chaymantataq rey Davidqa llapa runakuna rikushaqtin Jehová Diosta jatunchayta qallarirqan. Paymi nirqan: “Ñaupa taytaykuq Israelpa Diosnin Jehová Diosníy, wiñay-wiñaypaq jatunchasqa kay. 11 Qanqa Jehová Diosníy, ancha jatunmi+ atiyniyoqmi kanki,+ qanqa k’ancharinkiraqmi ancha munaypunin kanki.+ Janaq pachapi kaqkunapas kay pachapi kaqkunapas lliumi qanpa.+ Qanllan Jehová Diosníy tukuy imatapas umallinki, qanllan kamachikuqqa kanki.+ 12 Qhapaq kaypas atiypas qanmantan jamun,+ qanmi tukuy imatapas kamachinki.+ Qanqa atiyniyoqpunin kanki,+ chay atiyniykiwanmi+ runakunataqa kallpachankipas jatunchankipas.+ 13 Kunantaq Diosniyku gracias niykiku, ancha munay sutiykitapas jatunchayku.
14 ”Noqapas kay llaqtaypas manan imapaschu kayku kay regalokunata qonaykupaqqa. Tukuy imapas qanpan, makiykimanta chaskisqallaykutan qoykiku. 15 Qanqa allintan yachanki ñaupa taytayku jina mana llaqtayoq forastero runakunalla kasqaykuta.+ Kay pachapi kausayniykuqa llanthu jinallan,+ qan mana kaqtiykiqa mana ima suyakuyniyoqmi kaykuman. 16 Jehová Diosniyku, ch’uya sutiykita yupaychanapaq wasita ruwanaykupaqmi kay qhapaq kaykunata juñumurqayku, chaykunaqa qanmanta chaskisqallaykun, tukuy imapas qanpan. 17 Diosníy, noqaqa allintan yachani runakunaq sonqonta t’aqwisqaykita,+ junt’aq sonqo runakunatapas+ mayta munakusqaykita. Chaymi tukuy sonqowan kay regalokunata apamuyki. Llaqtaykipas tukuy sonqowanmi regalokunata apamusunkiku, chayta rikuspan mayta kusikuni. 18 Ñaupa taytayku Abrahanpa, Isaacpa, Israelpa Diosnin Jehová Dios; kay llaqtayki runakunata yanapay qan sonqolla kanankupaq, tukuy sonqowan qanllata wiñaypaq yupaychanasuykikupaqpas.+ 19 Churiy Salomonmantaq kasukuq sonqota qoy,+ chhaynapi kamachikuyniykikunata,+ yuyarichiyniykikunata* kasukunanpaq, wasiykitapas tukuy imatapas allinta ruwananpaq. Chay wasi ruwakunanpaqmi noqaqa imaymanata alistarqani”,+ nispa.
20 Chaymantataq Davidqa llapa Israel runakunata nirqan: “Kunanqa Diosniykichis Jehová Diosta yupaychaychis”, nispa. Jinan Israel runakunaqa ñaupa taytankuq Diosnin Jehová Diosta yupaycharqanku, chaymantataq Jehová Diospa ñaupanpi reypa ñaupanpi ima pampakama k’umuykuspa qonqorikurqanku. 21 Qhepa kaq p’unchaypas ruphachina ofrendakunata+ sacrificiokunata iman Jehová Diosman jaywashallarqanku. Paykunan sacrificiopi jaywarqanku waranqa malta torokunata, waranqa orqo ovejakunata, waranqa malta ovejakunata, vino ofrendata ima.+ Llapa chay sacrificiokunatan Jehová Diosman jaywarqanku Israel runakunaq sutinpi.+ 22 Chay p’unchayqa ancha kusisqan Israel runakunaqa Jehová Diospa ñaupanpi mijusharqanku ujasharqanku ima.+ Jinaspapas chay p’unchaymi jujmanta Davidpa churin Salomonta Jehová Diospa ñaupanpi reyta churarqanku,+ Sadoctataq sacerdote kananpaq churarqanku.+ 23 Jinan Salomonqa papan Davidpa rantinpi Jehová Diospa trononpi rey tiyaykurqan.+ Tukuy imaymana ruwasqanpas allillanmi karqan, llapa Israel runakunan paytaqa kasukurqanku. 24 Israelpi umallikunapas,+ kallpasapa allin maqanakuq qharikunapas,+ rey Davidpa churinkunapas+ llapallankun Salomontaqa kasukurqanku. 25 Jehová Diosqa jinantin Israel llaqtapin Salomontaqa ancha respetanaman tukuchirqan, manan jayk’aqpas payta jinaqa juj reykunataqa jatuncharqankuchu.+
26 Jesepa churin Davidqa llapa Israelpin kamachikurqan. 27 Payqa tawa chunka watan Israelpi kamachikurqan. Hebrón llaqtapin qanchis wata kamachikurqan,+ Jerusalén llaqtapitaq kinsa chunka kinsayoq watata.+ 28 Jinan Davidqa mana ima llakikuyniyoq kuraqña wañukapurqan.+ Payqa kusisqan kasharqan unay watakuna kausasqanwan, qhapaq kaykunata juñusqanwan, allin respetasqa kasqanwan ima. Chaymantataq churin Salomón paypa rantinpi rey kapurqan.+ 29 Davidpa kausayninmanta willakuyqa llapallanmi qelqasqa kashan rijuriykunata rikuq Samuelpa qelqasqankunapi, profeta Natanpa+ qelqasqankunapi, Gadpa+ qelqasqankunapi ima. Gadqa Diospa rikuchisqantan Davidman willaq. 30 Chaykunapin qelqasqa kashallantaq Davidpa gobiernonmantapas atiyninmantapas, jinallataq kamachikusqan p’unchaykunapi imachus paywan pasasqanmanta, Israel runakunawanpas muyuriqninpi kaq nacionkunawanpas imachus pasasqanmantawan.