Hebreos
8 Chhaynaqa, tukuy chaykuna nimusqaykumanta aswan allinqa kaymi: Uma sacerdotenchisqa janaq pachapin jatun Diospa paña ladonpi, trononpa ladonpi tiyashan,+ 2 cheqaq karpapi kaq ch’uyay-ch’uya partepitaqmi servishanpas,*+ chay karpataqa Jehová* Dios kikinmi jatarichirqan, manan runachu. 3 Uma sacerdotekunaqa llapankun ofrendakunata sacrificiokunatawan jaywanankupaq churasqa kanku, chaymi chay uma sacerdotenchispas juj sacrificiota jaywanan karqan.+ 4 Kay pachapichus pay kashanman chayqa, manachá payqa sacerdotechu kanman.+ Ñataq kay pachapi kamachikuy simiq nisqanman jina ofrendakunata jaywaq sacerdotekuna kashanmanña chayri, imapaqñataq payqa sacerdote kanman. 5 Chay runakunaq Diosta servisqankun ichaqa janaq pacha kaqkunaq+ rijch’aynillan, chaykunaq llanthun imalla;+ Moisespa ruwasqanpas chhaynan karqan, paytan Diosqa juj karpata ruwananpaq kamachishaspa nirqan: “Orqopi rikusqayman jinan lliu imatapas ruwanki”,+ nispa. 6 Jesusmi ichaqa chay uma sacerdotekunamanta aswan allin llank’anata chaskin, payqa aswan allin rimanakuy ruwakusqanpi+ allipunachiqmi karqan,+ chay rimanakuyqa imatachus kamachikuypi nin chayman jinan aswan allin promesakunapi tajyachisqa kashan.+
7 Chay ñaupaq kaq rimanakuychus tukuy imapi allin kanman karqan chayqa, manañachá kanmanchu karqan iskay kaq rimanakuyqa.+ 8 Diosqa rikushanmi llaqtaq juchantaqa, chaymi simin qelqapipas nin: “Jehová* Diosmi nin: Israelpa mirayninwan Judapa mirayninwan mosoq rimanakuyta ruwanaypaqmi p’unchaykuna chayamushanña. 9 Manan ñaupa taytankuta makinkumanta jap’iykuspa, Egipto jallp’amanta orqomuspa+ rimanakuyta ruwasqay jinachu kanqa, paykunaqa manan junt’arqankuchu paykunawan rimanakusqayta, chaymi noqaqa manaña paykunapi interesta churarqanichu, ninmi Jehová* Diosqa.
10 ”Chay p’unchaykuna qhepamanmi Israel runakunawan kayta rimanakusaq; kamachikuyniytan paykunaq yuyayninkuman churasaq, sonqonkupin qelqasaq.+ Noqan Diosninku kasaq, paykunataq llaqtay kanqaku,+ ninmi Jehová* Diosqa.
11 ”Manañan pipas, ¡Jehová* Diosta reqsiychis!, nispa llaqtamasintapas ni wayqentapas yachachinqañachu. Llapallankun juch’uypas jatunpas reqsiwanqaku, 12 mana chanin ruwasqankutapas perdonapusaqmi, juchankutapas manañan yuyarisaqñachu,+ ninmi Diosqa”, nispa.
13 “Mosoq rimanakuy” nisqanwanmi payqa ñaupaq kaqta mauk’ayachipusharqan.+ Imapas mauk’aman tukupuqqa thantayapunmi ¿riki? Chinkapunanpaqñataqmi kashanpas.+