Job
25 Chaymantataq Shúa llaqtamanta Bildadqa+ khaynata nirqan:
2 “Kamachikuypas manchakunapaq atiypas Diospan,
paymi janaq pachapi thaj kayta churan.
3 ¿Atikunmanchu paypa ejercitonta* yupayta?
K’anchayninqa llapa runamanmi chayamun.
4 Chhaynaqa, ¿imaynapin wañuq runa Diospa ñaupanpi chanin kanman?+
¿Imaynapin warmimanta naceq runa ch’uya kanman?+
5 Diospa ñawinpaqqa killapas manan k’anchanchu,
ch’askakunapas manan ch’uyachu.
6 ¡Chaychu kuru jina runa paypa ñaupanpi ch’uya kanman!
¡Chaychu jallp’a runaq churin paypa ñaupanpi limpio kanman!”, nispa.