LAMENTACIONES
א [álef]*
1 ¡Ikiraqmi, askha runakunayoq llaqtan sapallan kapushan!+
¡Nacionkuna ukhupi askha runakunayoq llaqtan viuda jina kapushan!+
¡Provinciakuna ukhupi reina jina kaqmi kamachiman tukuchisqa kapun!+
ב [bet]
2 Tutan-tutanmi waqashan,+ weqenpas unu jinaraqmi uyanta phawaykushan.
Munakuqninkunamantaqa manan jujllapas ladonpi kanchu payta khuyapayananpaq.+
Llapa amigonkunan traicionapunku,+ enemigonmanmi tukupunku.
ג [guímel]
3 Judaqa preso apasqan kapun,+ ñak’ariypin tarikun, esclavon kapun.+
Nacionkuna ukhupin tiyanan,+ manan thaj kayta tarinchu.
Llakikuypi kashaqtinmi llapa qatikachaqninkuna ayparunku.
ד [dálet]
4 Sionman riq ñankunaqa llakipin kashan, manan pipas chayninta fiestakunaman jamunñachu.+
Llapa punkunkunan p’akisqa kashan,+ sacerdotenkunan llakisqa kashanku.
Sipasninkunan khuyay llakisqa kashanku, payqa sinchitan ñak’arishan.
ה [he]
5 Enemigonkunan dueñon kapun, enemigonkunaqa kusisqan kashanku.+
Llapa juchankunaraykun Jehová Dios ñak’arichishan.+
Wawankunatan enemigo presota apakapun.+
ו [waw]
6 Sionpa munay kayninqa tukukapunmi.+
Autoridadninkunaqa pastota mana tariq tarukakuna jinan kanku,
qatikachaqpa ñaupantan sayk’usqa purinku.
ז [zayin]
7 Jerusalenqa llakipi tarikuspan, mana wasiyoq tarikuspan yuyarin ñaupa tiempopi imaymanayoq kasqanta.+
Enemigonkunaq makinman runankuna urmaqtinmi mana pipas yanaparqanchu,+
ח [jet]
8 Jerusalenqa millay juchatan ruwarqan,+
chaymi millakunaman tukupun.
Llapa ñaupaqpi respetaqkunan pisichapunku, q’alalla kashasqantan rikurqanku.+
Pay kikinmi ñak’arishan,+ p’enqakuymantan uyanta kutirichin.
ט [tet]
9 Faldanpas qhellin kashan,
payqa manan yuyaykullarqanpaschu imaynapi tarikunanta.+
Admiranapaqmi urmaykurqan, manan pipas payta khuyapayaq kanchu.
Jehová Diosníy, enemigon jatunchakun,+ chaymi sinchita ñak’arishani.
י [yod]
10 Paypa ancha valorniyoq cosasninkunatan enemigo apakapun.+
Jerusalenqa rikusharqanmi nacionkuna temploman jaykusqanta,+
chay nacionkunaqa manan iñiq t’aqaykimanqa jaykunankuchu karqan.
כ [kaf]
11 Llapa runankunan llakisqa mijunata maskhashanku.+
Valorniyoq cosasninkunatan mijunawan cambiashanku, chaywan kausanankupaq.
Jehová Diosníy, qhawarimuway, mana imapaq valeq warmi* jinan kashani.
ל [lámed]
12 Ñanninta llapa puriqkuna, ¿manachu qankunaman imapas qokusunkichis?
¡Qhawariychis!
¿Pillapas khayna nanayta aguantarqanchu?
K’araq phiñakuynin p’unchaypin Jehová Dios ñak’arichiwarqan.+
מ [mem]
13 Wichaymantapachan ninata kachaykamun, chaymi tulluykunamanraq jaykun,+ sapanka tulluytan payqa kamachin.
Urmanaypaqmi trampata churawan, qhepamanmi kutirichiwan.
Wijch’usqa warmi jinan kashani.
Ch’isiyaqmi onqosqa kashani.
נ [nun]
14 Juchaykunaqa yugo jinan watasqa kashan, paymi makinwan watarqan.
Kunkaymanmi watasqa karqan, kallpaymi pisiyarqan.
Noqamanta aswan kallpasapakunaq makinmanmi Jehová Dios entregaykuwan.+
ס [sámekh]
15 Jehová Diosmi kallpasapa runaykunata qechupuwan.+
Askha runakunatan noqa contra wajachirqan waynaykunata atipananpaq.+
Judapa sipas ususintan Jehová Dios uvas sarunapi sarurqan.+
ע [ayin]
16 Chaykunamantan waqashani,+ ñawiykunan weqewan junt’a kashan.
Llapa khuyapayawaqkunan, llapa kallpachawaqkunan karupi kashanku.
Enemigoq atipasqanraykun wawaykuna wijch’usqa kashan.
פ [pe]
17 Sionmi makinta jaywarin,+ manan pipas khuyapayaqnin kanchu.
Jehová Diosmi Jacob contra muyuriqninpi kaq llapa enemigonkunata kamachirqan.+
Jerusalenqa paykunaq millakunanmanmi tukupun.+
צ [sadé]
18 Jehová Diosqa chaninmi,+ kamachikuyninkunatan* noqaqa mana kasukurqanichu.+
Llapa llaqtakuna uyariychis, rikuychis ñak’arisqayta.
Sipasniykunan, wayna runaykunan preso apasqa kapun.+
ק [qof]
19 Munakuqniykunatan wajarqani, ichaqa traicionawarqankun.+
Llaqtapin sacerdoteykunapas umalliqniykunapas* wañurqanku,
kausanankupaq mijunata maskhaspan wañupurqanku.+
ר [resh]
20 Jehová Diosníy, sinchi llakisqan kashani.
Ukhuypin sinchi llakikuy kashan,
mana kasukuq kasqayraykun sonqoy sinchi llakisqa kashan.+
Jawapin espada wañuchishan,+ wasi ukhuqa wañuy jinan.
ש [shin]
21 Runakunan rikun llakikusqayta, manan pipas khuyapayaqniy kanchu.
Llapa enemigoykunan ñak’arisqayta yachan.
Kusisqan kashanku, qanmi chayta ruwarqanki.+
Ichaqa willasqayki p’unchaytan chayachimunki,+ chay p’unchaymi paykunaqa noqa jina tarikunqaku.+
ת [taw]
22 Llapa mana allinkuna ruwasqankumanta paykunata ñak’arichiy,+
imaynan noqata ñak’arichiwarqanki llapa juchaykunamanta chhaynata.
Nishutañan llakikuni, sonqoyqa k’irisqan kashan.
א [álef]
2 ¡Ikiraqmi, Jehová Diosmi Sion llaqtata k’araq phiñakuynin phuyuwan pakaykun!
Israelpa munay kaynintan cielomanta kay jallp’aman wijch’uykamun.+
K’araq phiñakuynin p’unchaypin chaki sarunanta mana yuyarirqanchu.+
ב [bet]
2 Jehová Diosmi mana khuyapayaspa Jacobpa llapa wasinkunata ch’usaqyachirqan.
K’araq phiñakuyninpin Judapa* allin perqankunata thunirqan.+
Gobiernotan paypa autoridadninkunatawan+ pisichaspa pampaman wijch’urqan.+
ג [guímel]
3 Sinchi k’araq phiñakuyninpin Israelpa atiyninta chinkachirqan.
Enemigo qayllaykuqtinmi manaña paña makinta jaywarirqanchu,+
Jacobpin payqa nina jina raurashallarqan,
llapa muyuriqninpi kaqtan ruphaykapurqan.+
ד [dálet]
4 Enemigo jinan flechana arconta chutarqan, paña makinqa liston kashan maqanakunanpaq,+
llapa munay qhawarisqakunatan wañuchishallarqan.+
Sionpa karpanpin+ k’araq phiñakuynin nina jinaraq raurarirqan.+
ה [he]
5 Jehová Diosqa enemigo jinan kapun,+
Israeltan ch’usaqyachirqan.
Llapa torrenkunatan thunirqan,
allin perqankunatan ñut’urqan.
Judamanmi llakikuyta, waqayta junt’aykachirqan.
ו [waw]
6 Huertapi ch’ujllata jinan karpanta wijch’upun.+
Fiestantan tukuchipun.+
Jehová Diosmi Sionpi fiestakunata samana p’unchaykunatapas chinkachipurqan.
Sinchita phiñakuspan reytapas sacerdotetapas mana khuyapayanchu.+
ז [zayin]
7 Jehová Diosqa manan altarninta munapurqanchu,
templontapas wijch’upurqanmi.+
Allin ruwasqa torrenkunaq perqankunatan enemigoq makinman entregaykurqan.+
Fiesta p’unchaypi jinan Jehová Diospa wasinpi qaparirqanku.+
ח [jet]
8 Jehová Diosmi yuyaykurqan Sionpa perqankunata thuninanpaq.+
Medina waskhatan aysarirqan.+
Manan makinta jark’arqanchu thuninanpaq.
Perqakunatan, perqa jark’anakunatan llakikuyman churarqan,
llapankun pisi kallpayarqanku.
ט [tet]
9 Punkunkunan jallp’aman chinkaykapun.+
Paymi punkuq rejankunatapas ñut’upun.
Reypas paypa autoridadninkunapas juj nacionkunapin kashanku.+
Manan kamachikuykuna* kanchu, manan profetankunapas rijuriykunata Jehová Diosmanta chaskinkuchu.+
י [yod]
10 Sionpa umalliqninkunaqa* ch’inllan pampapi tiyanku.+
Qhasqa p’achawan churakuspan jallp’awan umankuta jach’ikunku.+
Jerusalén doncella sipaskunaqa* pampakaman k’umuykunku.
כ [kaf]
11 Sinchita waqasqaywanmi ñawiykuna sayk’usqaña kashan.+
Ukhuypin sinchi llakisqa kashani.
Llaqtaypa urmasqanmantan,+ llaqtaq plazankunapi erqekunaq, wawakunaq yuyay chinkasqa kasqankumantan sonqoy phatarun.*+
ל [lámed]
12 Wawakunan mamankuta nishallanku: “Yarqashawanmi, ch’akishawanmi”,*+ nispa.
K’irisqakuna jinan llaqtaq plazankunapi yuyay chinkasqa kashanku,
mamitankuq marq’ayninpin wañupushanku.
מ [mem]
13 Jerusalén llaqtalláy, ¿imawanmi tupanachiykiman, imawanmi rijch’anachiykiman?
Sion llaqtalláy, ¿imawanmi rijch’anachiykiman sonqochanaypaq?
Lamar-qocha jinaraqmi k’iriykiqa,+ ¿pin jampisunkiman?+
נ [nun]
14 Profetaykikunaqa llullakuspan rijuriykunamanta willarqasunkiku,+
mana preso apasqa kanaykipaqmi mana juchaykikunata reparachirqasunkikuchu,+
yanqa rijuriykunamantan willashallarqasunkiku.+
ס [sámekh]
15 Llapa ñanninta puriqkunan burlakuspa makinkuta t’aqllakunku.+
Jerusalenta rikuspan admirasqa silbanku,+ umankuta maywispataq ninku:
“¿Kaychu chay munay llaqta, jallp’antinpa kusikuynin nisqanku llaqta?”,+ nispa.
פ [pe]
16 Llapa enemigoykikunan qan contra siminkuta kicharinku.
Silbankun, kirunkuta k’achachachispan ninku: “Oqoykapunchismi.+
¡Kay p’unchaytan suyasharqanchis!+ ¡Chayaramunmi, rikushanchismi!”,+ nispa.
ע [ayin]
17 Jehová Diosqa yuyaykusqantan ruwarqan,+ rimasqantan junt’arqan,+
unaymantaña kamachisqantan junt’arqan.+
Mana khuyapayaspan thunirqan.+
Enemigoq asipayanasuykitan jinallata qhawarqan, enemigoykikunatan kallpasapaman tukuchirqan.
צ [sadé]
18 Sion llaqta perqa, uyariy, runaykikunan sonqomanta Jehová Diosta wajakushan.
Mayu jinaraq weqe tuta-p’unchay phawachun.
Ama samaspa waqay, ama ñawiykikunata samachiychu.
ק [qof]
19 ¡Jatariy! Tutantin khuyayta waqay,
sonqoykita unuta jina jich’aykuy Jehová Diospa ñaupanman.
Wawaykikunaq kausayninrayku payman makiykita jaywariy,
callekunaq esquinankunapi yarqaymanta yuyay chinkasqa wawaykikunarayku makiykita jaywariy.+
ר [resh]
20 Jehová Diosníy, qhawariy sinchita ñak’arichisqayki llaqtaykita.
¿Mijukushanallankuchu warmikuna wawankuta, qhali wachakusqanku wawankuta?+
¿Jinallachu sacerdotekuna profetakunapas Jehová Diospa templonpi wañuchisqa kanqaku?+
ש [shin]
21 Waynakunaq, machukunaq ayanmi callekunapi wijch’u-wijch’u kashan.+
Sipasniykunan, wayna runaykunan espadawan wañurqanku.+
K’araq phiñakuyniyki p’unchaypin wañuchirqanki, mana khuyapayaspan wañuchirqanki.+
ת [taw]
22 Tukuy ladomantan manchakuyta wajachinki, fiesta p’unchaypaq jinan wajachinki.+
Jehová Diospa k’araq phiñakuynin p’unchaypiqa manan pipas escaparqanchu,+ manan pipas salvakurqanchu,
א [álef]
3 K’araq phiñakuynin varaq ñak’arichisqanta rikuq runan kani.
2 Paymi qarqomuwan, tutayaqpin purichiwan manan k’anchaypichu.+
3 Ch’isiyaqmi makinta noqa contra askha kutita jaywarin.+
ב [bet]
4 Aychaytan, aycha qaraytan thantawarqan, tulluykunatan pak’irqan.
5 Muyuykuwanmi, jaya venenowanmi sasachakuykunawanmi muyuykuwan.+
6 Tutayaq ukhukunapin tiyachiwarqan, unay tiempo wañusqakunata jinan tiyachiwarqan.
ג [guímel]
7 Perqakuna ukhupin mana escapakunaypaq wisq’aykuwarqan.
Llasa cobre cadenakunawanmi wataykuwarqan.+
8 Qaparispaña yanapayta mañakuqtiypas, manan payqa mañakusqayta uyariwanchu.+
9 Thupasqa rumikunawanmi purinayta wisq’arqan,
ñanniykunatan q’ewirqan.+
ד [dálet]
10 Payqa oso jinan jap’iruwananpaq suyawan, qhamiyaq* león jinan suyawan.+
11 Ñanniymanta pantachiwaspan ñut’uta ruwawarqan.*
Sapaytan wijch’uwarqan.+
12 Flechana arcontan chutan flechawan jap’ichiwananpaq.
ה [he]
13 Flecha apananpi flechankunaqa riñonniykunamanraqmi jaykuwarqan.
14 Llapa llaqtakunaq asipayananmi kapuni, sapa p’unchay takipayanankun kapuni.
15 Jaya kaqkunawanmi junt’achiwarqan, ajenjowanmi amichiwarqan.+
ו [waw]
17 Qanqa thaj kaytan qechupuwanki, kusikuytapas* qonqapuniñan.
18 Chayraykun nini: “Munay kayniyqa chinkapunmi, Jehová Diospi suyakuyniypas tukukapunmi”, nispa.
ז [zayin]
19 Yuyariy sinchi llakisqa kasqayta, mana wasiyoq kasqayta,+ yuyariy ajenjota, jaya venenotapas.+
20 Qanqa yuyarinkipunin, noqamanmi k’umuykamuwanki.+
21 Chaytan sonqoypi yuyarini, chaymi pacienciawan suyakusaq.+
ח [jet]
22 Jehová Diospa mana tukukuq munakuyninraykun* mana chinkachisqachu karqanchis,+
khuyapayakuyninqa mana tukukuqmi.+
23 Sapa tutamantanmi khuyapayakuyninta rikuchiwanchis,+ junt’aq kayninqa jatunmi.+
24 Noqan nirqani: “Jehová Diosmi herenciayqa,*+ chaymi pacienciawan suyakusaq”,+ nispa.
ט [tet]
25 Jehová Diosqa sumaq sonqon paypi confiaqkunapaqpas+ mana sayk’uspa maskhaqninkunapaqpas.+
26 Allinmi pacienciawan*+ Jehová Diospa salvananta suyakuyqa.+
27 Allinmi runapaqqa wayna kashaspa sasachakuykunata aguantayqa.+
י [yod]
28 Dios jinallata qhawaqtinqa sapallan ch’inlla tiyachun.+
29 K’umuykuspa uyanta jallp’awan p’ampachun,+ kanmanpasraqchá suyakuynin.+
30 Uyanta kutirichichun maqaqninman, k’amiyta uyarichun sayk’unankama.
כ [kaf]
31 Jehová Diosqa manan wiñaypaqchu negawasun.+
32 Ñak’ariytaña chayachimurqan chaypas, mana tukukuq jatun munakuyninpin khuyapayakuyninta rikuchinqa.+
33 Manan payqa kusikunchu runakunaq churinkunata ñak’arichisqanmantaqa.+
ל [lámed]
34 Kay jallp’api llapa presokuna saruytapas,+
35 ancha jatun Diospa ñaupanpi runapaq justiciata mana ruwaytapas,+
36 runaq quejakusqanta q’ewiytapas Jehová Diosqa cheqnikunmi.
מ [mem]
37 Chhaynaqa, ¿pin mana Jehová Dios kamachishaqtin imatapas ninman rimasqantapas junt’achinman?
38 Manan ancha jatun Diospa siminmantaqa allin kaqwan mana allin kaqwanqa lloqsimunmanchu.
39 ¿Pipas juchan jawa ñak’arisqanmanta quejakunanchu?+
נ [nun]
40 Imayna kasqanchista t’aqwikusun, imayna kausasqanchista qhawarikusun,+ jinaspa Jehová Diosman kutipusun.+
41 Janaq pacha Diosman sonqonchista kicharisun,+ makinchista jaywarispa nisun:
42 “Juchallikurqaykun, qan contran sayarirqayku,+ chaymi mana perdonawarqankikuchu.+
ס [sámekh]
43 K’araq phiñakuyniykin mana qanman asuykachiwarqankuchu,+
qatikachawarqankikun, mana khuyapayaspan wañuchiwarqankiku.+
44 Mañakuyniyku qanman mana chayamunanpaqmi phuyuwan jark’arqanki.+
45 Suyukuna ukhupin mana valeqman, q’opaman tukuchiwankiku”, nispa.
פ [pe]
46 Llapa enemigoykun contraykupi rimanku.+
47 Manchakuyllan, trampakunallan noqaykupaqqa kashan,+ ch’usaqyachiylla chinkachiyllan kashan.+
48 Llaqtay* thunisqa kasqanmantan+ weqey ñawiymanta mayu jinaraq phawashan.
ע [ayin]
49 Weqeyqa phawamushallanqan ñawiymanta, mana samaspan waqashallasaq,+
50 janaq pachamanta Jehová Dios qhawarimuwanankama.+
51 Llaqtaypa ususinkunaraykun ñawiykuna ñak’arichiwan.+
צ [sadé]
52 Alton phalaq animalta jinan enemigoykuna yanqamanta jap’iwanku.
53 Kausayniyta chinkachiyta munaspan t’oqoman wijch’uykuwarqanku, rumiwanmi ch’aqeshawallarqanku.
54 Unu umayta p’ampaykuwaqtinmi nirqani: “¡Kunanqa wañupusaqmi!”, nispa.
ק [qof]
55 Jehová Diosníy, ukhu t’oqomantapachan sutiykimanta wajakamurqani.+
56 Uyariykuway wajakamusqayta. Ama ninriykita tapakuychu yanapayta mañakamushaqtiy, thaj kayta mañakamushaqtiy.
57 Wajakamusqay p’unchaymi asuykamuwaspa niwarqanki: “Ama manchakuychu”, nispa.
ר [resh]
58 Jehová Diosníy, quejakusqaytan uyariwarqanki, kausayniytan salvawarqanki.+
59 Jehová Diosníy, rikurqankin mana allinta ruwawasqankuta. Ama jinachu kay, justiciata ruwapuway.+
60 Rikurqankin vengakuwasqankuta, noqa contra mana allinkuna yuyaykusqankutapas.
ש [sin o shin]
61 Jehová Diosníy, uyarirqankin k’amiwasqankuta, noqa contra mana allinkuna yuyaykusqankuta,+
62 enemigoykunaq noqa contra ch’isiyaqta pakallapi rimasqankutapas.
63 ¡Qhawariy! ¡Tiyashankuña sayashankuña chaypas, takisqankupin noqamanta burlakunku!
ת [taw]
64 Jehová Diosníy, qanmi ichaqa imachus ruwasqankumanta chaskinankuta qopunki.
65 Mana kasukuq k’ullumanmi tukuchinki, chhaynatan paykunata ñakanki.
66 Jehová Diosníy, k’araq phiñakuyniykipin paykunata qatikachanki, janaq pachaykiq uranmantan ch’usaqyachinki.
א [álef]
4 ¡Imaynapin qoriq k’anchaynin chinkapurqan!
¡Imaynapin ch’uya qori manaña k’anchapunchu!+
¡Imaynapin ch’uya rumikuna+ callekunaq esquinankunapi ch’eqechisqa kashan!+
ב [bet]
2 Sionpa munasqa churinkunaqa ch’uya qori jinan valorasqa karqanku,
kunanmi ichaqa, ¡t’uruwan llank’aqpa ruwasqanta jina qhawaripunku!
¡T’urumanta ruwasqa p’uyñuta jinan qhawaripunku!
ג [guímel]
3 Monte alqokunapas uñankunamanqa qonmi ñuñunta,
llaqtaymi ichaqa millayman tukupun,+ ch’inneqpi avestruz jinan kapun.+
ד [dálet]
4 Ñuñuq wawakunan ch’akiymanta kashanku, qallunkupas siminkumanmi k’askapun.
Wawakunan t’antata mañakunku,+ ichaqa manan pipas jaywarinchu.+
ה [he]
5 Sumaq mijunakunata mijuqkunan kunanqa yarqaymanta callekunapi kumpakushanku.*+
K’anchaq puka color p’achawan uywasqa kaqkunan+ kunanqa uspha montonkunapi tiyashanku.
ו [waw]
6 Llaqtaypa castigasqa kasqanqa* aswan jatunraqmi Sodoma llaqta juchan jawa castigasqa kasqanmantaqa,+
chay llaqtaqa juj ratullapin thunisqa karqan mana piqpa yanaparisqan.+
ז [zayin]
7 Diospaq t’aqasqa nazareo* runankunaqa+ rit’imantapas aswan ch’uyan karqanku, lechemantapas aswan yuraqmi karqanku.
Coralmantapas* aswan pukay-pukay uyayoqmi karqanku, zafiro rumi jinan k’ancharirqanku.
ח [jet]
8 Kunantaq qhechinchamantapas aswan yanallaña kashanku,
callekunapipas mana reqsiy atiymi kashanku.
Aycha qarankupas tullunkuman k’askasqallañan kashan,+ ch’aki tabla jinan kashan.
ט [tet]
9 Yarqaywan wañuymantaqa espadawan wañuchisqa kaymi aswan allin karqan,+
campokunapi mijuy mana kaqtinmi yarqaymanta ñak’arispa unaypi wañurqanku.
י [yod]
10 Khuyapayakuq warmikunaq makinkunapas kikin wawankutan wayk’urqan.+
Llaqtay urmaqtinmi wawankuta mijukapurqanku.*+
כ [kaf]
11 Jehová Diosmi phiñakuyninta rikuchirqan, k’araq phiñakuynintan chayachimurqan.+
Siontan ninawan kanaykurqan, cimentacionnintan ruphaykachirqan.+
ל [lámed]
12 Manan kay pacha reykunapas ni mayqen chaypi tiyaqpas creerqankuchu enemigo Jerusalenpa punkunkunata jaykunantaqa.+
מ [mem]
13 Chayqa pasarqan profetankunaq juchanmantan, sacerdotenkunaq mana allinkuna ruwasqankumantan,+ llaqta ukhupi chanin runakunaq yawarninta jich’asqankumantan.+
נ [nun]
14 Ñausa jinan callekunapi thampiykacharqanku,+
yawarwan qhellichasqan purirqanku,+
chaymi mana pipas p’achankutaqa llamiykurqanchu.
ס [sámekh]
15 Runakunan ninku: “¡Lloqsiychis kaymanta! ¡Qhelli runakuna! ¡Lloqsiychis kaymanta! ¡Lloqsiychis! ¡Ama tupaykuwaykuchu!”, nispa.
Mana wasiyoqmi qheparqanku, comuntan purirqanku.
Nacionkunamanta runakunan ninku: “Manan paykunaqa noqanchiswan qhepakunkumanchu.*+
פ [pe]
16 Jehová Dios kikinmi paykunata ch’eqechirqan,+
manañan sumaqtachu qhawarinqa.
Runakunaqa manañan sacerdotekunata respetanqakuchu,+
ע [ayin]
17 Qhawarayasqanchispin ñawinchispas sayk’usqallaña kashan,
manan pipas yanapariwananchispaq jamurqanchu.+
Mana yanapay atiq nacionpin suyakurqanchis,
mana libray atiq naciontan qhawapayarqanchis.+
צ [sadé]
18 Tukuy ladopin enemigonchisqa kasharqan,+ manañan plazanchiskunatapas puriyta atirqanchischu.
Tukukuyninchismi qayllaykamun, tukukuyninchis chayamusqanraykun p’unchayninchiskuna tukukapun.
ק [qof]
19 Qatikachawaqninchiskunaqa alton phalaq ankakunamantapas aswan phawaqmi karqanku.+
Orqokunapin qatikachawarqanchis, ch’inneqpin pakallapi suyapawarqanchis.*
ר [resh]
20 Paykunaq jatun t’oqonkupin+ kausay samayninchisqa* preso urmaykurqan, Jehová Diospa ajllasqanmi urmaykurqan,+
paymantan nirqanchis: “Llanthuykusqanmi nacionkuna ukhupi tiyasunchis”, nispa.
ש [shin]
21 Edom runakuna,+ Uz jallp’api tiyaq runakuna, kusikuychis, q’ochukuychis.
Ichaqa qankunamanpas jaywamusunkichismi copataqa,+
jinan machaspa q’ala kayniykichista rikuchikunkichis.+
ת [taw]
22 Sion llaqta, juchaykimanta castigasqa kanaykiqa tukupunñan.
Manañan payqa wajmanta presota apasunkiñachu.+
Qankunan ichaqa Edom runakuna Diospa juchachasqan kankichis.
Paymi juchaykichista sut’iman orqonqa.+
5 Jehová Diosniyku, yuyariy imachus pasawasqankuta.
Qhawariy, pisichasqan kashayku.+
2 Herenciaykun mana reqsisqa runakunaman qopusqa kapun, wasiykupas waj llaqtayoqkunamanmi qopusqa kapun.+
3 Mana taytayoqmi qhepakapuyku, mamitaykupas viuda jinan kapun.+
4 Tomanayku unuykumantapas kunanqa pagashaykun,+ noqaykuq llant’allaykutataqmi rantishayku.
5 Qatikachawaqniykuqa yaqañan kunkaykumantapas jap’iwanqaku.
Nishu sayk’usqañan kashayku, manan samariqtapas dejawankuchu.+
6 Egiptomanmi,+ Asiriamanmi+ t’antata mañakuspa makiykuta jaywariyku.
7 Juchallikuq ñaupa taytaykuqa wañukapunkuñan, noqaykun chay juchankumanta ñak’arishayku.
8 Kunanqa kamachikunaq kamachisqanmi kapuyku, manan pipas makinkumanta kacharichiyta atiwankuchu.
9 Ch’inneqpi armayoqkuna kasqanraykun wañuy pataman churakusparaq+ t’antaykuta maskharqayku.
10 Sinchi yarqaymantan aycha qaraykupas horno jinaraq rupharin.+
11 Sionpi esposakunatapas pisicharqankun,* Judapa llaqtankunapi doncella sipaskunatapas* pisicharqankun.+
12 Autoridadkunatapas makinkumantan warkurqanku,+ umalliqkunatapas* manan respetarqankuchu.+
13 Waynakunan molino rumita apanku, erqekunan llant’a q’episqankuwan ñit’ichikunku.
14 Llaqta punkupiqa manan umalliqkunapas kanñachu,+ waynakunaq tocasqanpas manan uyarikunñachu.+
15 Manañan sonqoykupi kusikuy kanñachu, tusuyniykupas llakikuymanmi tukupun.+
16 Coronaykupas urmapunmi umaykumanta, ¡imaraqmi noqaykumanta, juchallikurqaykun!
17 Chayraykun sonqoykuqa nanaypi kashan,+
chaykuna jawan ñawiykupas arphayapun,+
18 Sion orqo ch’usaqyachisqa kasqanrayku.+ Kunanqa atoqkunan chaypi purishan.
19 Qanmi ichaqa Jehová Diosníy wiñaypaq kamachikuy tronopi kashallanki.
Tronoykiqa wiñay-wiñaymi kaqlla kanqa.+
20 ¿Imaraykun wiñaypaq qonqapuwankiku? ¿Imaraykun khaytukuy tiempo wijch’upuwankiku?+
21 Jehová Diosniyku, qanman kutirichiwayku, noqaykuqa kaq ratun kutirimpusaqku.+
Ñaupa tiempopi jina kausachiwayku.+
22 Qanmi ichaqa pasaqta negawarqankiku.
Sinchi phiñasqallan noqaykupaq kashanki.+
Kaymanta tawa capitulokamaqa llaki takikunan. Chay takikunaqa hebreo rimaypi abecedarioman jinan armasqa kashan.
Chaypiqa “kusipayarqanku” nillanmantaqmi.
Kaypiqa Jerusalentan juj warmiwan tupanachikushan.
Hebreo rimaypiqa “simintan” ninmi.
Chaypiqa “kuraq runaykunapas” nillanmantaqmi.
Hebreo rimaypiqa “Judapa ususinpa” ninmi.
Chaypiqa “yachachikuykuna” nillanmantaqmi.
Chaypiqa “kuraq runankunaqa” nillanmantaqmi.
Doncella sipastaqa “qhariwan mana jayk’aq puñuq sipas” nillankutaqmi.
Hebreo rimaypiqa “higadoy pampaman jich’asqa kapun” ninmi. Higadotaqa “k’ipchan, kukupin” nillankutaqmi.
Hebreo rimaypiqa “¿Maypin trigo kashan, maypin vino kashan?” ninmi.
Chaypiqa “qhalita wachakuspa” nillanmantaqmi.
Qhamiyaytaqa “katiyay, qhawaray” nillankutaqmi.
Chaypiqa yaqapaschá “yapusqa jallp’ata jina saqewarqan” nillanmantaq. Yapuytaqa “chajmay, aray” nillankutaqmi.
Chaypiqa “Aqowanmi” nillanmantaqmi.
Khatatataytaqa “kharkatiy” nillankutaqmi.
Hebreo rimaypiqa “allin kaqtapas” ninmi.
Qhaway Explicasqa simikuna nisqapi “Mana tukukuq munakuy” nisqata.
Hebreo rimaypiqa “tupawaqniyqa” ninmi.
Chaypiqa “ch’inlla” nillanmantaqmi.
Hebreo rimaypiqa “Llaqtaypa ususin” ninmi.
Hebreo rimaypiqa “wijch’usqa kashanku” ninmi.
Hebreo rimaypiqa “Llaqtaypa pantasqanqa” ninmi.
Qhaway Explicasqa simikuna nisqapi “Nazareo” nisqata.
Qhaway Explicasqa simikuna nisqapi “Coral” nisqata.
Chaypiqa “wañuqniyoqpa wasinpi mijunaman tukuchipurqanku” nillanmantaqmi.
Chaypiqa “Manan paykunaqa waj llaqtayoq jina kaypi tiyankumanchu” nillanmantaqmi.
Chaypiqa “kuraq runakunatapas” nillanmantaqmi.
Suyapaytaqa “suyaykuy” nillankutaqmi.
Chaypiqa “senqanchispa samasqanqa” nillanmantaqmi.
Chaypiqa “violarqankun” nillanmantaqmi.
Doncella sipastaqa “qhariwan mana jayk’aq puñuq sipas” nillankutaqmi.
Chaypiqa “kuraq runakunatapas” nillanmantaqmi.