¿Imatan Dios munan ñoqanchispaq?

Diosmi munan kay Hallp’a paraíso kapuqtin, chaypi wiñaypaq kusisqa kawsananchista.

Ichaqa yaqapaschá tapukuwaq: “¿Cheqaqchu chay kanman?”, nispa. Biblian willan chhayna kawsayta Diospa Gobiernon apamunanta. Kamaqninchisqa munanmi chay Gobiernomanta, runakunapaq imachus munasqanmantapas lliw runa yachanankuta (Salmo 37:11, 29; Isaías 9:7).

Allin kananchistan munan.

Imaynan huk tayta wawankunaq allinninta munan, chay hinatan hanaq pacha Taytanchispas kusisqa wiñaypaq kawsananchista munan (Isaías 48:17, 18). Paymi prometen ‘munayninta ruwaqqa [...] wiñaypaq kawsananta’ (1 Juan 2:17).

Diosqa ñanninkunapi purinanchistan munan.

Bibliaq willasqan hina, Kamaqninchismi ‘ñanninkunata yachachiyta’ munawanchis ‘ñanninkunapi purinapaq’ (Isaías 2:2, 3). Diosmi ‘paypaq runakunata akllakurqan’ munayninmanta willakuyta Hallp’antinpi mast’arinankupaq (Hechos 15:14).

Huk nisqalla yupaychananchistan munan.

Cheqaq religionqa manan runakunata t’aqanachinchu, aswanmi yachachin hukkuna-hukkunawan munanakuspa kawsanankupaq (Juan 13:35). ¿Pikunan llapa nacionkunapi runakunata yachachishanku Diosta huk nisqalla servinankupaq? Chayta yachanaykipaq kay folletota t’aqwiriy.