LECCIÓN 7

Confianapaq jina informacionkunata utilizay

Lucas 1:3

Confianapaq jina informacionkunata maskhay yachachinaykipaq.

Confianapaq informacionkunata utilizay. Rimasqaykiqa Bibliaq yachachisqanman jinan kanan, atikuqtinqa Bibliamantan leenayki. Sichus willayta munanki juj noticiata, juj experienciata otaq imatapas chayqa, ñaupaqtan qhawarinayki chay informacionkuna cheqaqchus icha manachus chayta.
Allinta utilizay informacionkunata. Bibliamanta juj textota explicanki chayqa, entiendenaykin imatachus Jehová Dios chaypi yachachisqanta, Bibliaq yachachisqanwan, ‘allin yuyayniyoq junt’aq kamachiq’ yachachisqanwanpas tupashanchus manachus chaytapas (Mat. 24:45). Runakunaq qelqasqanta willanki chayqa, kaqllatan willanayki.

Ama yapaykuspaqa rimaychu. Sichus juj informacionpi “wakin runakuna” nispa nishan chayqa, manan “askha runakuna” nispachu ninayki. Otaq “mayninpi” nispa nishan chayqa, manan “sapa kutilla” nispachu ninayki.
Yanapay piensanankupaq. Bibliamanta juj textota leespa otaq juj qelqata leespan uyariqkunata tapuwaq otaq juj ejemplota willawaq paykunallamanta yachachisqaykita entiendenankupaq.