BIBLIAMANTA TAPUKUYKUNA
¿Pikunan hanaq pachaman rinqaku, imamanmi rinqaku?
Askha runakunan hanaq pachaman ripuyta munanku wañupusqanku qhepaman. Jesusmi manaraq wañupushaspa huntʼaq sonqo apostolninkunaman prometerqan hanaq pachapi Taytanwan kuska kanankupaq (leey Juan 14:2).
¿Imapaqmi wakin runakuna rinqaku hanaq pachaman? ¿Imatan chaypi ruwanqaku? Jesuspa nisqan hina, paykunaqa reykunan kanqaku kay pachatataqmi kamachikamunqaku (leey Lucas 22:28-30; Apocalipsis 20:4).
¿Llapan allin runakunachu hanaq pachaman rinqaku?
Imaynan huk nacionta pisi runakunalla kamachin, chay hinatan hanaq pachamanta kamachikamuq runakunapas pisilla kanqaku, paykunallatan Jesusqa akllarqan hanaq pachapi kawsarichinanpaq (Lucas 12:32). Biblian willan haykʼa kasqankuta (leey Apocalipsis 14:1).
Jesusmi apostolninkunaman prometerqan hanaq pachapi Taytanwan kuska kanankupaq, ¿imatan chaypi ruwanqaku?
Ichaqa manan paykunallachu sumaq suyakuyniyoqqa kanqaku. Jesuspa kamachikusqanta kasukuq runakunapas wiñay kawsayniyoqmi kanqaku kay pacha paraíso kapuqtin (Juan 3:16). Saqraq kamachisqan pacha chinkaqtinmi wakin kasukuq runakunaqa mana wañuspalla chay sumaq kawsayman haykunqaku hukkunataq chaypiña kawsarimpunqaku (leey Salmo 37:29; Juan 5:28, 29).