BIBLIAMANTA TAPUKUYKUNA

¿Imarayku allinpuni Diosmanta mañakuy?

Jehová Diosqa munanmi ima llakikuytapas payman willananchista (Lucas 18:1-7). Payqa ñoqanchispi interesakusqanraykun uyariwanchis. Chaymi hanaq pacha taytanchisqa invitawanchis paywan parlananchispaq. ¿Munawaqchu paywan parlariyta? (Leey Filipenses 4:6.)

Dioswan parlaspaqa manan yanapaynillantachu mañakunchis, paymanmi asuykunchis (Salmo 8:3, 4). Sapa kutilla imayna sientekusqanchista willaqtinchisqa astawanmi Dioswan sonqota tupachinchis (Leey Santiago 4:8).

¿Imaynatan mañakunanchis?

Diosqa manan munanchu mana reqsisqa rimaykunawan nitaq kaq rimaykunallawan mañakunanchista. Sayaspaña qonqorikuspaña mañakunamantaqa astawanqa munan sonqomanta mañakunanchistan (Mateo 6:7). Ñawpa tiempopi Israel llaqtamanta Ana sutiyoq warmin sinchi llakikuypi tarikuspa Diospa yanapayninta mañakurqan; llakikuynin manaña kapuqtintaq Diosta agradecekurqan (Leey 1 Samuel 1:10, 12, 13, 26, 27; 2:1).

¡Dioswan parlayqa ancha sumaq regalon! Kamaqninchismanqa lliw llakichiwasqanchista willasunman. Hinaspapas atinchismi hatunchayta, imaymana ruwapuwasqanchismanta “gracias” niyta. Chay hinaqa ama qonqasunchu Dioswan parlayta (Leey Salmo 145:14-16).