QALLARIYPI KAQ | ¿KANCHU SAQRA?
¿Kanchu Saqra?
Hanaq pachamanta Saqra wikch’usqa kasqanmanta monumento (Madrid, España)
Rogelion willakun: “Ñoqaqa wawa kasqaymantapachan mana Saqrapi creeqchu kani. Mana allinkunata ruwaqtiymi mamitay niwaq: ‘¡Saqran hamuspa apasunki!’, nispa, ñoqataq niq kani: ‘Apawachunyá’”, nispa (El Salvador).
Qanri, ¿ima ninkin Saqramanta? Wakin runakunan ninku:
“Saqraqa manan kanchu. Mana allin ruwaytan nikun Saqra”, nispa.
Wakintaq: “Kanmi Saqraqa ichaqa manan runakunaq kawsayninman chapukunchu”, nispa.
Hukkunataq: “Saqraqa atiyniyoq espiritun, chaymi runakunata mana allinkunaman tanqashan”, nispa.
Chay hinatan runakuna Saqramanta yuyaykunku. Ichaqa, ¿mayqentaq cheqaq kanman? Sichus Saqra mana kanchu chayqa, paypi creeqkunan pantashankuman. Ichaqa sichus Saqra kan manataq kawsayninchisman chapukunchu chayqa, yanqan payta manchakushankuman. Ichaqa atiyniyoq millay espíritu kashan chayqa, paymantan cuidakuna kanqa.
¿Kanpunichu Saqra icha mana allin ruwaytachu nikun “Saqra” nispa? Kanpuni chayqa, ¿ima dañotapas ruwawasunmanchu? ¿Imaynatan paymanta cuidakusunman? Chay tapukuykunatan Bibliawan kutichisun.