Askha runakunan salvakunqaku ¿qanri?

Biblian willashan kay pachapi hatun ñak’ariy kananmanta, ninmi: “Chay p’unchaykunaqa manchay ñak’ariymi kanqa, chay hinaqa manan hayk’aqpas kay pacha qallariymantapacha kunankama karqanchu [...]. Chay p’unchaykunatachus Diosqa mana pisiyachinmanchu karqan chayqa, manan pipas qespichisqachu kanman”, nispa (Mateo 24:21, 22). Ichaqa willanmi wakin runakuna salvasqa kanankuta: “Kay pachaqa tukukapushanmi [...]. Diospa munayninta ruwaqmi ichaqa wiñaypaq kawsanqa”, nispa (1 Juan 2:17).

¿Imatan ruwananchis salvasqa kanapaq? ¿Chay p’unchaypi kawsanapaqchu tukuy imaymanata huñunanchis? Manan. Biblian nin: “Chay hinata tukuy ima kaqpas thunisqa p’uchukapunan kashaqtinqa, ¿imaynatataq kawsanaykichis? Qankunaqa Dios sonqo purispan Diosllapaqña kawsanaykichis, Diospa p’unchaynin chayamunanta makillaña suyaspa”, nispa (2 Pedro 3:10-12). “Tukuy ima kaqpas thunisqa p’uchukapunan” nispaqa nishan, mana allin gobiernokuna, paykuna yanapakuqkuna, Diospa gobiernon contra hatariqkuna ima chinkachisqa kanantan. Chay p’unchaypiqa manan ima kaqninchiskunapas salvawasunchu.

Arí, salvakunapaqqa Diospa munasqanman hinan kawsananchis kasukuqtaqmi kanapas (Sofonías 2:3). Kunanqa yaqa llapa runakunan llakhi kashanku, tukukuy p’unchay cercapiña kashasqanta mana creesqankurayku. Qanqa manan paykuna hinachu kanayki, aswanpas ‘Diospa p’unchaynin chayamunanta makillaña suyaspan’ kawsanayki. Munanki chayqa, llaqtaykipi tiyaq Testigokunan Bibliamanta yachachisunkikuman imaynata salvakunaykipaq.