Tapuykuna

◼ ¿Imaynatan llapanchis yanapakusunman huñunakuypi allin yachachisqa kanapaq? (Deu. 31:12.)

Llapanchismi kallpachakunanchis huñunakuyman temprano chayanapaq, listotaq kashananchis Jehová Dioswan yachachisqa kanapaq. Chhaynapin rikuchisun payta respetasqanchista, huñunakuykunatapas ancha allinpaq qhawarisqanchista. Allinmi kanman ñawpaqpi tiyay, qhepa tiyanakunatataq saqesunman mayninpi tarde chayamuqkunapaq wawachakunayoqpaqpas. Manaraq huñunakuy qallarishaqtinmi asegurakuna celularninchis otaq imanchispas bullata mana ruwananpaq. Sichus yuyarishallasun Jehová Diosrayku huñunakuypi kasqanchista chayqa, pisichá kanqa ima afanakuypas (Ecl. 5:1; Fili. 2:4).

Mosoqkuna hamuyta qallarishanku chayqa, allinmi kanman huk reqsinakusqan paywan tiyanan. Chhaynapin yanapanman huch’uy wawakunayoqtapas. Manapaschá hayk’aqpas chhayna huñunakuykunaman familiantin rirqankuchu, chayraykun paykunapaq allin kanman qhepapi tiyakuy. Chhaynapin mana kanmanchu afán ruwaykuna wawankuta atiendenankupaq lloqsiqtinkupas (Pro. 22:6, 15). Ichaqa manan tiyanankuchu wak salapi, mana hinaqa wawankunan ima munasqankuta afanakunkuman. Wawakuna afanakuqtinkuqa taytan otaq mamanpas huk ratulla hawaman lloqsinan chaypi ima necesitasqankuta atiendenanpaq otaq phiñaykunanpaqpas, chaymantataq kutichimunan huñunakuyman.

Acomodadorkunan yanapakunku Huñunakusqanchis Wasi Diosta yupaychanapaq hina kananpaq. Paykunan familiakunata mayninpi tarde chayamuqkunatapas yanapanku tiyanakunata tarinankupaq, mana pitapas distraechispallan rikuchinku maypis tiyanankuta; allin yuyaywantaq atiendenku imapas kaqtin. Sichus mayqen wawapas afanakushan chayqa, sumaqtan ofrecekunku yanapanankupaq.

Rikusqanchis hina, llapanchismi yanapakusunman huñunakuykuna Jehová Diosmanta yachananchispaq hina kananpaq, chaypin yachanchis paypa munayninmanta, kay pachaman chanin-kayta thak-kaytawan apamunanmantapas (Heb. 10:24, 25).