Predicanapaqqa Diosmantan mañakunanchis
1. ¿Imatan ruwananchis predicayninchista hunt’anapaq?
1 Jehová Diosmi kallpata qowanchis predicananchispaq, ñoqallanchismantaqa manan chay ruwayta atisunmanchu (Isa. 12:2). Paymi angelninkunawan yanapawanchis llamp’u sonqoyoq runakunata tarinanchispaq (Apo. 14:6, 7). Diosmi tarpusqanchis qarpasqanchis muhuta wiñachin (1 Cor. 3:6, 9). Chaymi llapallanchis chay llank’ayta hunt’ananchispaq Jehová Diosmanta mañakunanchis.
2. ¿Imakunamantan mañakusunman?
2 Kikinchispaq mañakusun. Sapa kuti predicananchispaqmi kallpata mañakunanchis, hinallataq kusikuywan predicananchispaq (Hech. 4:29; Efe. 6:18). Chaymantapas mañakusunmanmi Bibliamanta yachay munaq runakunata tarinanchispaq. Pipas imatapas tapuwaqtinchisqa sonqollanchispin mañakusunman allinta kutichinanchispaq (Neh. 2:4). Chaymantapas yachaytan mañakusunman servicionchista ñawpaqman churananchispaq (Sant. 1:5). Hinaspapas agradecekunanchismi payta servisqanchismanta, chayqa Jehová Diostan kusichin (Col. 3:15).
3. ¿Imaraykun hukkunapaq mañakunanchis?
3 Hukkunapaq mañakusun. Chaymantapas ‘hukkunapaqmi Diosmanta mañapunanchis’, yaqapaschá sutinkumanta rimaspa (Sant. 5:16; Hech. 12:5). Sichus onqosqa kasqaykirayku mana tukuy atisqaykitachu predicanki chayqa, qhali kashaq iñiqmasikunapaq mañapuy. Mañakuyninchisqa atiyniyoqmi. Chaymantapas mañakullasunmantaqmi autoridadkuna predicay llank’ayninchista allinpaq qhawarinankupaq, chhaynapi iñiqmasinchiskuna ‘sumaq kawsaypi kawsanankupaq’ (1 Tim. 2:1, 2).
4. ¿Imanaqtinmi Diosmanta mañakushanallanchis?
4 Pachantinpi allin willakuykuna predicaytaqa manan ñoqallanchismanta atisunmanchu. Chaymi ‘Diosmantaqa mañakushanallanchispuni’ yanapawananchispaq (Rom. 12:12).