¿Imanispan revistakunata munachisunman?

Qhawaq Abril-junio

“Askha runakunan Jesuspa yachachisqanta allinpaq qhawarinku. ¿Allinninchispaqchu kanman kay tiempopi kay textoq nisqan? [Leey Mateo 18:21, 22 textota uyariytaq kutichisqanta.] Kay revistapin willashan imatas Jesús pampachaymanta yachachirqan, hinallataq imaynapi allinninchispaq kanman chaytawan.”

¡Despertad! Junio

“Askha iglesiakunan qolqepaq bautizanku, casarachinku, wañupuqkunapaqpas misata ruwanku. ¿Imaynatan chayta qhawarinki? [Uyariy kutichisqanta.] Qhawarisunchis imakunatas Jesús qatikuqninkunaman yachachirqan chayta [leey Mateo 10:7, 8b]. ¿Ima nisqan chaypi Diosmanta yachachispa otaq imata ruwaspapas qolqe cobraymanta? Kay revistapin chaymanta willashan.” Qhawachiy 22 paginata.

Qhawaq Julio-septiembre

“Sapanka religionkunan hukniraytakama rimanku alcohol ukyaymanta. Ichaqa, ¿ima ninmi Dios alcohol ukyaymanta? [Uyariy kutichisqanta.] Huk kutinmi Jesús unuta vinoman tukuchisqa, ichaqa kaytan Biblia yuyaychawanchis [leey Proverbios 23:20a]. Chaypi nisqan hina allin yuyaywanmi imatapas ruwana; kay revistapin chaymanta sut’ita willashan.”

¡Despertad! Julio

“Llapa runakunatan qolqemanta sasachakuy llakichiwanchis. Mana llank’anayoq runan llakikun, llank’anayoqtaqmi ichaqa manchakun qarqosqa kananmanta. ¿Yanapanmanchu kay texto chhaynapi tarikuqkunata? [Leey Mateo 6:34 textota uyariytaq kutichisqanta.] Kay revistapin willashan imaynatas qolqenchista aypachikusunman chayta, imatan ruwasunman ama sinchita llakikunapaq chaymantawan.”