Ancha sumaq llank’ay

1. ¿Ima llank’aymi kay tiempopi aparikushan?

¹ Ñawpa tiempopin askha runakuna anchata kusikurqanku onqosqakuna qhaliyachisqa kasqankuta rikuspa (Luc. 5:24-26). Kay tiempopipas anchatan kusikunchis runakunata Diosmanta yachachispa (Apo. 22:1, 2, 17). Kusikunchismi Biblia santo espiritupas runakunaq kawsayninta cambiasqanmanta yachaspa. Ichaqa astawanraqmi kusikunchis Bibliamanta estudiota qospa.

2. ¿Imaynan sientekunchis Bibliamanta runakunaman yachachispa?

² ¿Iman Diospa sutin? ¿Imaraykun Dios ñak’ariykuna kananta hinallata qhawan? ¿Imatan Diospa Gobiernon runakunapaq ruwanqa? Kusikunchismi chay tapuykunata kutichispa, astawanqa estudiante Bibliamanta yachaspa kusikuqtin (Pro. 15:23; Luc. 24:32). Chaymantapas iñiyninpi wiñasqanman hinan Jehová Diosta sutinmanta waqyakun, imayna p’achakusqanpi cambiayta qallarin, mana allin ruwayninta saqepun runakunamanpas predicayta qallarin. Diosman qokuspa bautizakapuqtintaq iñiqmasinchisman tukupun. Chaykuna ruwasqanqa ancha kusikunapaqmi (1 Tes. 2:19, 20).

3. ¿Imakunatan ruwasunman Bibliamanta yachay munaq runakunata tarinapaq?

³ ¿Yanapakuwaqchu? Sichus chay llank’aypi yanapakuyta munanki chayqa, Jehová Diosmanta mañakuy estudiota tarinaykipaq chayman hinataq ruway (1 Juan 5:14). Predicay runakunaq tarikusqanpi. Maypiña tarikuspaykipas estudiokunata munachiy (Ecl. 11:6). Sichus astawan yachay munaq runakunata tarinki chayqa kutispa yanapashallay (1 Cor. 3:6-9).

4. ¿Imaraykun usqhaylla Bibliamanta estudiokunata munachinanchis?

⁴ Kashanraqmi chanin kaymanta yarqachikuq ch’akichikuq askha runakuna ¿Pin paykunata yanapanqa Bibliamanta yachanankupaq? (Mat. 5:3, 6.) Chhaynaqa, tukuy sonqomanta llank’aysikusun runakunata Diosmanta yachachiypi manaraq cosecha tukukushaqtin (Isa. 6:8).