Las maravillas de la creación revelan la gloria de Dios

Askha runakunan Diospa kamasqanta qhawaspa admirakunku. Ichaqa manan llapankuchu entiendenku rikusqankuqa Diospa yuyaykusqanta sonqonpi kasqantawan rikuchisqanta (Rom. 1:20). Ñawpa tiempopi Davidqa Jehová Diostan reqsirqan Simin Qelqata leespa. Ichaqa kamasqanta qhawaspan asuykullarqantaq “rikushanmanpas” hinataq sientekurqan (Sal. 8:3, 4). Las maravillas de la creación revelan la gloria de Dios nisqa videon (DVD) yanapawasun ñoqanchista, wawanchiskunata Biblia estudiaqkunatapas astawan Diospa kamasqanta qhawarinapaq, Kamaqninchispa sumaq kayninkunata imayna Dios kasqantapas reparananchispaq hinaspa payman astawan asuykunanchispaq. Kay videota qhawaspa qatimuq tapuykunata kutichiy.

1) Diospa tukuy imaymana kamasqanta rikuspa, llapanpas ordenpi kasqantawan qhawarispa, ¿astawanchu munakuyniyki yapakun? (Isa. 40:26.) 2) Unumanta allinta estudiaspa, ¿imatan yachanchis Kamaqninmanta? (Rev. 14:7.) 3) ¿Imatan yachachiwanchis Jehová Diosmanta Hallp’aq sayaynin, Inti Hallp’amanta imayna karupi kasqanpas? 4) ¿Imapaqmi killa kamasqa karqan? (Sal. 89:37.) 5) ¿Imaynatan Dios kamawarqanchis kusisqa kawsananchispaq? 6) ¿Iman ADN nisqa? (Sal. 139:16.) 7) ¿Imaynapin runakuna hukniray kanchis animalkunamanta? (Gén. 1:26.) 8) ¿Imakunatan mosoq pachapi ruwayta munanki?

Hukkuna (Extras): 9) ¿Imaynatan colorkuna paqarin? 10) ¿Imaynatan unu seqan sach’aq puntankunaman? 11) ¿Imatan unu ruwan cuerponchispi? 12) Kay videopi rikusqaykiman hina willay llapa kawsaqkuna imayna yanapanakusqankuta. 13) ¿Imaynatan sapanka kawsaq yachan pikunawan yanapanakunanta? 14) ¿Iman ángulo áureo nisqa, imaynatan chay rikukun Diospa kamasqankunapi?

Tukuy yuyaywan qhawasun Diospa kamasqankunata. Jesusmi qatikuqninkunata nirqan, ‘phalaq animalkunata’ ‘campopi hamanq’ay t’ikakunaq wiñasqantawan’ qhawarispa yachanankuta (Mat. 6:26, 28). Sichus ñoqanchispas chayta ruwasun chayqa, iñiyninchismi astawan yapakunqa, Jehová Diospi astawan confiasun hinaspapas yachayninta, salvawaqninchis qasqanta munakuynintapas astawan valorasun. Kay pachaq ruwayninkunawan sonqonchista suwachikushanamantaqa aswanpas tiempota hap’ispa tukuy yuyaywan Diospa kamasqankunata qhawaspa chaykunapi yuyaymanasun (Sal. 19:1).