Tapuykuna

◼ ¿Imatan huk runa ruwanan llapa kaqninkuna otaq wakillanpas wañukapusqan qhepaman Diospa llaqtanpa kapunanpaq?

Wañukapuspaqa llapa kaqninchiskunatan saqepunchis (Ecl. 9:5, 6). Chaymi wakinqa huk testamentota ruwakunku kaqninkunata imaynata rakikunanpaq (2 Rey. 20:1). Chay testamentotaqa Notariowanmi ruwachina. Chay documentopin willakullantaq pin albacea kanqa chaytapas. Askha nacionkunapin mana testamentota ruwaspa mana familiayoq kaqkuna wañukapuqtinqa, autoridadkuna qhawarinku kaqninkunata imayna rakikunanta. Chayrayku kaqniykikunata imayna rakikunanta yuyaykushanki; yaqapas Jehová Diospa llaqtanman saqeyta munashanki chayqa, huk testamentotan ruwanayki necesitakuqtinqa allin yuyaywan albaceata akllanayki.

Albaceaqa imaymanatan ruwanan kanqa. Wañuqpa llapa kaqninkunata huñuspan rakin, chaykunaqa tiempopaqmi documentokunapas ruwakunanmi, astawanqa askhachus pisichus imachus wañuqpa kaqninkunaman hinan kanqa. Hinaspapas autoridadkunan leykunata churanku chaykunaman hina kananpaq. Manan cristiano kaspachu chayta allinta ruwanman, chaymi albacea runaqa hunt’aq, confianapaq, wañuqpa munasqanman hina ruwananpaq kanan (Qhawariy 1998 watamanta 8 de diciembre ¡Despertad! revistata, “Los beneficios de la planificación patrimonial” nisqa temata).

Albacean kananpaq nisuqtiykiku. Manaraq arí nishaspan allinta yuyaykunayki, chaymantataq Jehová Diosmanta mañakuspa qhawarinayki ruwayta atinkichus icha manachus chayta (Luc. 14:28-32). Qanpi confiaq wañukapuqtintaq pikunamansi kaqninkunata saqeshan paykunaman willanayki kanqa. Hinaspapas, qanmi chay kaqninkunata rakinayki kanqa leypa kamachisqanman hina testamentoq nisqanman hina. Albaceaqa manan imaraykupas testamentoq nisqanta cambiananchu pisiña askhaña wañuqpa kaqninkuna kaqtinpas. Pipas Diospa llaqtanman ima kaqninkunatapas saqenqa chayqa llapallanmi Diospa llaqtanpaq kanqa (Luc. 16:10; 21:1-4).