Llank’asqanchismanta allin willakuykuna

Perú nacionpiqa astawanmi quechua rimaypi llank’ayninchis yapakushan. Abril killapaqmi karqan 3.159 predicaqkuna, chaymi rikuchiwanchis kinsa killallapi yaqa 300 predicaqkuna yapakusqanta. Castellano rimaymanta iñiqmasinchiskunan kallpachakushanku iñiq t’aqakunapi grupokunapipas yanapakunankupaq. Wakinqa tayta-mamankuq tiyasqan llaqtata rispan kallpachakunku chay rimayta yachanankupaq, wakintaq institutokunapi estudiaspa. Hukkunaqa yachankun chay rimayta, chaymi munakuywan pacienciawan yachachishanku. Qhawarisqanchis hina, chay rimaypipas Diospa Siminqa astawanmi mast’arikushan.