“Llapa runaman” willasun
1. ¿Imatan apóstol Pablomanta yachanchis?
1 Apóstol Pablon llank’ayninta imayna hunt’asqanman hina Timoteota nirqan: “Diospa qosqan llank’anaykita allinta hunt’ay”, nispa (2 Tim. 4:5). Hinaspapas 47, 56 watakunapi hinan (J.h.q.) Pabloqa kinsa kutita misionero hina viajarqan. Chaymantapas askha kutitan Hechos qelqapi willan llapa runakunaman allin willakuykuna willasqanmanta (Hech. 23:11; 28:23). ¿Imaynatan ñoqanchispas chayta ruwasunman?
2. ¿Imaynatan wasin-wasinta predicaspa llapa runaman predicasunman?
2 Wasin-wasinta predicaspa. Askha runakunan manaraq allin willakuykunata uyarinkuraqchu, paykunata tarinapaqqa predicasunmanmi wasinkupi tarikusqanku horapi. Sichus tardenkunata otaq semana tukuytapas lloqsisun chayqa, yaqapaschá tarisunman familiapi umalliqkunata. Kallpachakunanchismi sapanka wasikunapi piwanpas rimanapaq, chaypaqmi wasinkupi mana tarisqanchis runakunata anotananchis, hinaspa huk horapi kutinanchispaq. Chaywanpas manapuni pitapas tarisunchu chayqa, yaqapaschá telefonopi waqyasunman otaq cartata qelqaspa saqesunman.
3. ¿Maykunapin astawan predicawaq?
3 Maypipas runakunaq kasqanpi predicay. Jehová Diospa testigonkunaqa cheqaq ‘yachaytan’ llapa uyariy munaq runakunaman willashanchis. Mayninpin predicanchis “callekunapi” otaq “plazakunapi” (Prov. 1:20, 21). Chaykunataqa ruwasunmanmi ima ruwaykunataña ruwashaspapas. Chaymi nisunman: ‘Diospa siminta willaspallañan purini’, nispa; chaywanmi rikuchisun “llapa runaman” willay munasqanchista (Hech. 10:42; 17:17; 18:5; 20:20, 21, 24).
4. ¿Imaynatan llapa runakunaman willananchispaq yanapawasunman Diosmanta mañakuy yuyaymanaypas?
4 Mayninpin manchapakuq kayninchis hark’awasunman allinta predicananchispaq, ichaqa ama llakikuychu Diosqa reqsiwanchismi imayna runa kasqanchista (Sal. 103:14). Chhayna sientekuspaqa Diosmantan mañakunanchis kallpata qowananchispaq (Hech. 4:29, 31). Chaymantapas sapallanchis Biblia estudiasqanchismi yanapawasun predicayninchista ancha allinta qhawarinapaq (Filip. 3:8). Chay ruwaymi kallpachawasun tukuy sonqomanta kusisqa predicanapaq.
5. ¿Imata ruwaspan yanapakusunman chay profecía hunt’akunanpaq?
5 Joel libropin willan, Jehová Diospa manchana hatun p’unchaynin manaraq chayamushaqtin, llaqtanqa tukuy sonqowan predicashanallankuta, mana pipas chay ruwayta hark’anantapas (Joel 2:2, 7-9). Chayrayku tukuy sonqowan willashanallapaq kallpachakusun, chay ruwayqa manañan hayk’aqpas hukmanta ruwakunqañachu.