¿Iñiyninkupi wiñanankupaq hinachu yachachishanchis?
1. ¿Ima llank’ayta aparinapaqmi sapankanchispas kallpachakunanchis?
1 ¿Imaynapin runakuna Diospa llaqtanman haykumushanku? Jehová Dios ‘pusamusqanrayku’ (Juan 6:44). Chaywanpas sapankanchismi estudiachisqanchis runakunata yanapananchis Diosman asuykunankupaq (Sant. 4:8). Chaypaqmi ichaqa allinta preparakunanchis. Sichus huk qelqamanta yachachispa qelqasqa kasqallanta willasun, paypas leespalla kutichinqa chayqa, manan sonqonkuman chayaqtachu yachachisun.
2. ¿Imatan ruwananchis estudiantekuna iñiyninkupi wiñanankupaq?
2 ¿Imatan ruwananchis estudiantekuna iñiyninkupi wiñanankupaq? Ñawpaqtaqa Bibliapi yachachikuykunatan allinta entiendechinanchis. Iskaypi, yachasqankupi iñinankupaq yanapananchis. Kinsapi, yachasqankuman hina kawsanankupaq yanapananchis (Juan 3:16; 17:3; Sant. 2:26). Chaykunan yanapanqa Diosta astawan munakunankupaq servinankupaq ima. Ichaqa kayta yuyarisun, estudiantekunaqa manan iskay kinsa killallapichu chaykunata ruwanqaku.
3. ¿Imaraykun estudiantekunata tapurinanchis?
3 Sonqonkupi kasqanta yachasun: Sichus estudianteman yachachispa ñoqallanchis rimasun chayqa, manan yachasunchu sonqonpi ima kasqanta. ¿Entiendeshanchu yachasqanta? ¿Kutichiyta atinmanchu entiendesqanman hinalla? ¿Ima ninmi yachasqanmanta? ¿Allinpaqchu qhawarin yachasqanta? (1 Tes. 2:13.) ¿Yanapashanchu kawsayninpi? (Col. 3:10.) Chayta yachanapaqmi tapurinanchis (Sant. 1:19). Ichaqa manan kawsayninpi chapukuq hinachu tapunanchis makillataqmi uyarinanchis kutichisqanta (Mat. 16:13-16).
4. ¿Imatan ruwasunman estudiantekuna kawsayninkupi mana usqhaylla cambiaqtinku?
4 Llapa runakunaq sonqonpin saphichasqa kashan mana allin costumbrekuna yachachikuykuna ima (2 Cor. 10:5). Sichus chay hawa estudiante yachachisqaykita mana allintachu qhawarishan otaq mana yachasqanman hinachu kawsashan chayqa, pacienciawanmi yanapanayki. Bibliaq yanapayninwan, Diospa santo espirituq yanapayninwanqa pisi-pisimantan yachasqan sonqonman chayanqa (1 Cor. 3:6, 7; Heb. 4:12). Manapunin estudiantekunata tanqanaykichu imata ruwananpaqpas, aswanpas yachachishallay qatiqnin temakunata. Sichus pacienciawan munakuywan yanapanki chayqa, pisi-pisimantan Bibliaq nisqanman hina kawsapunqa.