Jesuspa wañupusqanraykun wañusqakuna kausarimpunqaku

Paraisopi kausayqa imaynaraqchá kanqa, chaykunapin yuyaymanasunman Jesuspa wañupusqanta yuyarisqanchis p’unchaypiqa. Wañusqakunapas kausarimpunqakun. Jehová Diosqa manan munaranchu runakunaq wañunanta, chayraykun sinchi llakikunapaq piqpa familianpas wañupun chayqa (1 Cor. 15:26). Lázaro wañupuqtinqa anchatapunin Jesuspa qatikuqninkunaqa waqaranku, chayta rikuspan Jesusqa anchata sienteran (Juan 11:33-35). Jehová Diospas chhaynan sientekun familianchis wañupuqtin waqasqanchista rikuspaqa (Juan 14:7). Jehová Diosqa anchatapunin munashan serviqninkunata kausarichipunanpaq p’unchay chayamunanta, noqanchispas maytan munashanchis (Job 14:14, 15).

Diosqa imatapas ordenpin ruwan, chhaynaqa kausarimpuypas ordenpin kanqa (1 Cor. 14:33, 40). Chay p’unchaypiqa manañan wañuy kanqañachu, manañan waqasunñachu, aswanpas kausarimpuqkunatan sumaqta chaskisunchis. ¿Yuyaymanashankichu kay suyakuypi, astawanqa pipas wañupuqtin? (2 Cor. 4:17, 18.) ¿Agradecekushankichu Jehová Diosta wañusqakunaq kausarimpunanmanta Bibliapi willawasqanchismanta? (Col. 3:15.)

• ¿Mayqen familiaykita otaq amigoykitan jujmanta rikuyta munawaq?

• ¿Bibliaq rimasqan mayqen runakunatan reqsiyta munawaq?