“Wayqeykiwanraq allipunamuy”

Kaypi piensay: Jesuspa tiemponpin Galilea llaqtapi tiyanki, chaymantan Jerusalenta viajanki Ch’ujlla Ruway fiestaman. Askha iñiqmasiykikunan tukuy ladokunamanta jaykullankutaq, llaqtaqa nishu junt’an kashan. Jerusalenpiña tarikuspan juj ofrendata Jehová Diosman jaywayta munanki, jinan juj cabrata aparikuspa junt’a callekunanta pasaspa temploman rinki. Chayaqtiykiqa junt’an runa kashan, manan campopas kanchu; askhan ofrendankuta jaywayta munashallankutaq. Jinan turnoyki chayamun cabrata sacerdotekunaman qonaykipaq. Ichaqa qonayki ratopin yuyarinki juj hermano qan contra kashasqanta, payqa yaqapaschá runakuna ukhupi kashan otaq llaqtapi may partepipas. ¿Imatan ruwanayki? Jesusmi niran ima ruwanaykita (leey Mateo 5:24). ¿Imatan ruwawaqchis qanpas phiñasqa hermanopas allichapuymanta Jesuspa nisqanta kasukunaykichispaq? Sapanka listapi mayqenmi respuesta kanman chayta marcay.

QANPA RUWANAYKI

• Sichus piensanki hermano razonninpi phiñasqa kashananpaq chayqa, chay casollapin paywan rimawaq.

• Sichus piensanki hermano ratolla sintikuq kananpaq otaq paypuni juchayoq kananpaq chayqa, explicawaqmi pay pantashasqanta reconocenanpaq.

• Pacienciawanmi rimaqtin uyariwaq, manaña llapantachu entiendenki chaypas sonqomanta disculpakuwaq imapas ruwasqaykirayku phiñachisqaykimanta.

PAYPA RUWANAN

• Iñiq t’aqapi hermanokunamanmi willanman ruwasqaykita, paypa ladonmanta kanankupaq.

• Uyaykipin nisunkiman pantasqaykita, imakuna ruwasqaykitawan, chhaynapi juchaykita reconocekunaykipaq.

• Paywan rimanaykipaq valorta humilde kayta ima necesitasqaykita reconocespa, sonqomanta perdonapunasuyki.

Kay tiempopiqa manaña animalkunata sacrificiopi jaywanchischu chaypas, ¿imatan Jesús yachachiran iñiqmasinchiskunawan thajpi kaymanta Dios adoracionninchista chaskinanmantawan?