Imaynatan wiñachisunman Dios munakuyta runamasinchis munakuytapas

Cristianokunaqa manañan Moisesman Diospa qosqan leykunaman jinañachu kausanchis, ichaqa aswan jatun kamachikuyninkunatan kasukunanchis: Dios munakuyta runamasinchis munakuytawan (Mat. 22:37-39). Ichaqa manan Diosta munakuspañachu nacenchis, aswanpas noqanchispin wiñachinanchis. Chaytan ruwasunman sapa p’unchay Bibliata leespa. Leesqanchispi piensaspan imaymanapi Jehová Diospa sumaq-kayninta reparasun, imayna clase Dios kasqanta (Sal. 27:4). Chayta ruwaspaqa astawanmi Diosta munakusun pay jinataq piensasun. Chaytaq kallpachawasun kamachisqanta kasukunapaq jujkunata sonqomanta munakunapaqpas (Juan 13:34, 35; 1 Juan 5:3). Qhawarisun kinsa yanapaykunata Bibliata leespa kusikuyta tarinapaq:

• Chaypipas kashawaq jina piensay. Qhawariy chay tiempopi runakunata imachus pasashasqanta, uyariy, jinallataq reparay imachus q’apamushasqantapas. Piensallaytaq imayna sientekusqankupipas.

  

• Jujniraykunamanta yachay. Kunkawanmi leewaq otaq juj grabacionta qatipawaq leespa. Jinaspapas Bibliata qallariyninmanta tukukuykama leenamantaqa, leewaqmi pimantapas otaq ima temamantapas. Ejemplopaq Bibliata estudianapaq yanapaykuna nisqa folletopin 4, 16 tʼaqakunata Jesusmanta leewaq. Chaymantapas sapa p’unchay t’aqwina textomanta willaq capitulotan leewaq, otaq leewaq Bibliapi librokunata qelqasqa ordenman jina.

  

• Entiendenaykipaq jina leey. Aswan allinmi sapa p’unchay juj capitulollatapas entiendespa piensaspa ima leey, askha capitulokunata avanzay yuyay leeymantaqa. Leesqayki textoq ñaupanpi qatimuqpi imakuna nisqanpi piensay. Mapakunata utilizay referenciakunata ima. Mana entiendesqaykikunamanta jujllamantapas informacionta maskhay. Atikuqtinqa jayk’a tiempotachus utilizanki leenaykipaq, chhayna tiempollatataq utilizay leesqaykipi piensanaykipaq.