“Diospa tukuy kamachisqanman jina ruwaran”

6:9, 13-16, 22

Noeqa familianpas tukuy atisqankutan llank’ananku karan arcata ruwanankupaq, manan kay tiempopi jinachu herramientakuna karan nitaq kunan tiempopi jinachu wasikunata ruwakuq.

• Arcaqa jatunkaraymi karan. Wask’anmi 133 metros karan, anchontaq 22 metros, sayaynintaq 13 metros.

• Sach’akunatan wit’unanku karan, chaykunata kuchuspataq arcata sayarichinanku karan.

• Arcatan jawantawan ukhuntawan breawan llut’aranku.

• Juj watapaq jinan askha mijunata juñunanku karan paykunapaq animalkunapaqpas.

• Chay arcataqa tawa chunka otaq pisqa chunka watapi jinan ruwankuman karan.

Diospa kamachiwasqanchis sasa noqanchispaq kaqtin, ¿imaynatan kay willakuy yanapawasuman?