Caballoq patasninkuna

CABALLOQA 50 kilómetro karutan phawan huk horapi. Chhaynata phawasqantaqa mayta kallpachakuspa phawananpaqpaschá piensasunman, ichaqa pisillatan kallpachakun. ¿Imaraykun chhaynata phawan? Patasninkuna imayna ruwasqa kasqanraykun.

Caballoq patasninpiqa kanmi aychapas hank’ukunapas, chaykunan huk resorte hina pampaman chayaqtin kutichimun.

Sichus mana aycha kanmanchu chayqa hank’unkunachá patasninkuna pampaman chayaqtin k’irikunman. Ichaqa huk amortiguador hinan aycha yanapan mana k’irikunanpaq. Chayta estudiaq runakunan ninku chay hina ruwasqa kasqanrayku caballoqa kallpawan phawasqanta.

Yachayniyoq runakunaqa chay hinatan ruwayta munashanku tawa chakiyoq robotkunapi. Ichaqa yachayniyoqña kanku chaypas imaymana herramientakunayoqña kanku chaypas sasachakushankus chayta ruwanankupaq; chaytan nin Laboratorio de Robótica Biomimética del Instituto Tecnológico de Massachusetts.

¿Ima ninkin chaymanta? ¿Kikillanmantachu caballoq patasninkuna paqarimurqan, icha kamasqachu karqan?