¿Imamantan wawaykita felicitawaq?

¿IMAPIN WAKIN TARIKUNKU?

Wakinmi ninku wawakunataqa “kusa ruwasqayki” nishanallapunin, nispa. Wakintaq ninku “sapa kutilla felicitayqa mana allinninkupaqmi kanman, tukuy imatapas chaskinankupaq jinan qhawarikunkuman otaq rey jinaraq”, nispa.

Qhawarinaykin jayk’a kutita felicitasqaykita imamanta felicitasqaykitapas. ¿Imamantan felicitanayki? ¿Felicitasqayki yanapanqachu icha manachu?

KAYTAN YACHANAYKI

Manan tukuy felicitasqaykichu kaqlla. Qatimuqpi qhawarisunchis:

Tukuy imamanta felicitayqa manan yanapanmanchu. Juj taytaqa yaqapaschá tukuy imamanta wawanta felicitanman chhaynapi wawan valorakuyta yachananpaq. Ichaqa doctor David Walsh nin: “Wawakunaqa ratullan reparanku exageraspa rimasqata otaq jawa sonqolla nishasqata. Paykunaqa yachankun wakin ruwasqankuqa mana felicitanapaqchu kasqanta, chaymi papankupi manaña confiankumanchu”, nispa.a

Ruway atisqanta valorayqa allinmi. Yaqapachá ususiyki dibujayta yachan, chayraykutaq felicitayta munanki aswan allinta ruwashanallanpaq. Ichaqa kaypi piensay: Sichus ruway atisqallanmanta felicitanki chayqa, payqa imachus paypaq fácil kaqkunallata ruwayta munanqa. Chhaynapin manaña animakunqachu jujkuna ruwayta, imaynapipas pantaruyta manchakuspa. Yaqapaschá ninman: “Chayqa sasa ruwaymi, manan allintaqa ruwaymanchu”, nispa.

Esforzakusqankumanta felicitaymi aswan allinqa. Maypachachus esforzakusqankumanta “kusa ruwasqayki” ninchis chayqa allinninkupaqmi. Chhaynapin yachanku imapipas allin ruwaq kanapaqqa pacienciayoq kanankuta esforzakunankutapas. Chayta entiendeq wawakunamantan juj libro nin: “Ruwasqanku manaña allinchu lloqsiqtinpas, paykunaqa manan fracasanankupaqchu piensanqaku aswanpas reparanqakun ruwashaspa yachasqankuta”, nispa (Letting Go With Love and Confidence).

KAYTAN RUWAWAQ

Esforzakusqanmanta felicitay ama imapichus aswan allin kasqanmantachu. Wawaykita “qanqa allintapunin ruwanki, chaypaqpunin naceranki” ninaykimantaqa kay jinatan niwaq: “Allintan dibujarusqanki, allintan esforzarukusqanki ruwanaykipaq”, nispa. Iskaynin rimaykunapipas kusa ruwasqantan nishanki ichaqa primer kaqpiqa kaytapas nishawaq jinan: “Imatachus ruwayta atinki otaq yachanki chayllatan allintaqa ruwawaq manan jujkunataqa”, nispa.

Sichus wawaykita felicitanki esforzakusqanmanta chayqa yachanqan mana ruway atisqankunatapas ruwayta, aswan seguron sientekunqa mana ruway atisqankunata ruwananpaqpas (Bibliaq yachachikuynin: Proverbios 14:23).

Pantasqanwan ama pisipananpaq yachachiy. Lliupas askha kutitan pantanku (Proverbios 24:16). Pantayqa laq’akuy jinan: Laq’akusqanmanta jatariqqa yachanmi qhepapi mana laq’akunanpaq imata ruwananta. ¿Imaynatan wawaykita yachachiwaq pantasqanwan ama pisipananpaq?

Esforzakuytan yachanan. Sichus wawaykita sapa kutilla niwaq: “Facilmi qanpaqqa matemática cursoqa” nispa, ichaqa juj kutipitaqchus cerota orqorakamunman chayqa, wawaykiqa piensanmanpaschá “manañan matemática cursota atipuniñachu, qhepapipas cerotachá orqokapusaq”, nispa.

Ichaqa sichus esforzakusqanta valoranki chayqa, pantaspapas esforzakushallanqan allinta ruwananpaq. Pantaspaqa manan jinachu kanqa aswanpas juj jinamantan ruwanqa otaq astawan esforzakunqa (Bibliaq yachachikuynin: Santiago 3:2).

Allinta piensaspa reparachiy pantasqanta. Wawayki pantaqtinqa sumaq simikunawan reparachiy, chhaynapin mana pisipanqachu. Ima kaqllamanta felicitay, chhaynapin aswan allinta ruwananpaq niqtiykiqa mana phiñakunqachu. Wawayki ima ruwanantapas ruwayta tukuqtinqa iskayniykichismi kusikunkichis (Bibliaq yachachikuynin: Proverbios 13:4).