¿Imatan ruwawaq familiaykita respetanaykipaq?
FAMILIATAQA RESPETANANCHISMI
Familia ukhupi respeto kaqtinqa kusisqan kausanku qosapas, esposapas, wawakunapas; mana imatapas manchakuspan thaj kanku.
Siete reglas de oro para vivir en pareja nisqa libropin nin: “Qosapas esposapas respetanakuqtinkuqa manan jatun ruwaykunallapichu munakuyninkutaqa rikuchinakunqaku aswanpas juch’uy ruwaykunapi iman”, nispa (traducción de Sonia Tapia Sánchez).
Yachaysapa runakunaq nisqanman jinaqa, sichus wawakuna jujkuna respetayta yachanqaku chayqa manan pisipaqchu qhawarikunqaku, aswanpas allintan tayta-mamankuwan kausanqaku, kusisqataqmi kanqakupas.
¿IMATAN RUWAWAQ?
Respetanakuymanta familiaykiwan rimay. Ñaupaqtaqa qanraqmi allinta entiendenayki imas respetanakuy chayta. Chaymantataq cuadernopi qelqay imatapas sapanka familiapi kaqkuna ruwanaykichis imaynatas portakunaykichis chayta. Chaymantapas familiaykiwan rimaychis imaynatas qankunapura respetanakuwaqchis chayta.
Familiaykipaq ejemplo kay. Kaykunata tapukuy: “¿Phiñakunichu familiaywan imatapas mana allinta ruwaruqtinku? ¿Burlakunichu imatapas rimariqtinku? ¿Manachu cuentapaqpas churani rimapayawashaqtinku?”, nispa. Chay tapuykunata ruwakusqaykin allinta yanapasunki jujkunata respetanaykipaq.
Kayta ruway: Kallpachakuy familiaykita sonqomanta respetanaykipaq, chhaynapin paykunapas munakuywan respetasunkiku.
Imamantapas manaña acuerdopichu kankichis chaypas respetanakuychis. Ama millayta qaparisparaq niychu “qanqa sapa kutillan…”, “qanqa manan jayk’aqpas…” nispaqa. Chhaynata nispaqa juch’uy problematan jatun problemaman tukuchisunman, chayqa familianchispaqqa manan allinchu kanman.
¿IMATAN JEHOVÁ DIOSPA TESTIGONKUNA RUWAYKU?
Jehová Diospa testigonkunaqa familia ukhupi respeto kananpaqmi yachachiyku. Tukuy chaykunan lloqsimun qelqakunapi, librokunapi, folletokunapi, videokunapi ima. Tukuy chaykunaqa gratisllan kashan.
CASARASQAKUNAPAQ: “Familiakunapaq yanapaykuna” nisqa partepin tarinki allin yuyaychaykunata, chaypin kashan familiapi. . .
. . . imaynata uyarinakuymanta.
. . . imaynata ima sasachakuytapas allichaymanta.
. . . imaynata mana discutispa kausaymanta.
(Chaymanta astawan yachanaykipaq jaykuy jw.org nisqaman chaypitaq maskhay “Familiakunapaq yanapaykuna” nisqata).
TAYTA-MAMAKUNAPAQ: “Familiakunapaq yanapaykuna” nisqa partepin tarillankitaq imaynatas tayta-mamakuna wawaykichista yachachiwaqchis. . .
. . . kasukuyta.
. . . wasipi yanapakuyta.
. . . “ama jina kaspa” “gracias” niyta ima.
(jw.org nisqapi maskhay “Wawakunata uywanapaq” otaq “adolescentekunata uywaspa” nisqata).
Chaymantapas “Los padres preguntan” nisqa temata maskhay Lo que los jóvenes preguntan. Respuestas prácticas (volumen 1) nisqa libropi otaq (jw.org nisqapi maskhallaytaq “Los padres preguntan” nisqa temata).
WAYNA-SIPASKUNAPAQ: jw.org nisqapi maskhallaytaq “Wayna-sipaskunapaq” nisqa temata. Chay ukhupin kashan qelqakuna, videokuna, juj yanapaykunapas. Chhaynapi wayna-sipaskuna. . .
. . . tayta-mamankuwanpas hermanonkuwanpas sumaqta kausanankupaq.
. . . tayta-mamankuq kamachikuy churasqankumanta respetowan rimarinankupaq.
. . . imaynatas tayta-mamankuq confianzanta ganakunkuman chaymantawan.
(Maskhay jw.org nisqapi “Wayna-sipaskunapaq” nisqa temata).
jw.org nisqa direccionman jaykuyqa gratisllan. Chayman jaykunapaqqa manan paganachu nitaqmi escribikunapaschu. Manataqmi chayman jaykuqtiykiqa sutiykitapas, maypichus tiyanki chaykunatapas mañasunkichu.