¿Imatan qan ruwanayki?
50 ¿Munankichu sumaq paraisopi wiñaypaq kawsayta?
Chhaynaqa astawan yachay Diospa nisqanmanta. Yachaypuni Biblia leeyta.—Juan 17:3; Revelación 1:3
51 Jesusmanta astawan yachay.—Deuteronomio 18:18, 19; Juan 3:16; Hechos 3:19-23
52 Allinkunallata ruway, kasukuytaq Jehovata.—Romanos 6:17, 18, 22
53 Yuyariy, Jehovaqa manan munanchu runa wañuchinata.—Éxodo 20:13; 1 Juan 3:11, 12
54 Manan hukkunamanta imankutapas qechunanchischu.—Éxodo 20:15; Efesios 4:28
55 Manan pi qharipas tiyananchu nitaq puñunanchu mana warminwanqa, warmillanwanmi puñunan.—Éxodo 20:14, 17; 1 Tesalonicenses 4:3
56 ¿Yuyashankichu hayk’a warmitan qharipaq Dios permiten? ¿Hayk’a tiempopaqmi qhari warminwan tiyanan?—Génesis 2:22, 24; Mateo 19:5, 6; 1 Corintios 7:2, 10, 11
57 Yuyarillaytaq, Jehovallatan adorananchis.—Mateo 4:10; 1 Corintios 8:6
58 Manan idolokunapas imagenkunapas yanapanchu. ¿Imarayku?—1 Corintios 8:4
¿Allinchu idolokuna hap’iy?—Deuteronomio 27:15; 1 Juan 5:21
59 ¿Imaraykun mana allinchu suertepaq ima hap’iypas?—Deuteronomio 18:10-13; Revelación 21:8
60 Millay ángel demoniokunan, Diospa contranpi churakuranku. Paykunan adivinaqkunawan runata engañanku.—Hechos 16:16
61 Diosmanmi orananchis. Orayqa Dioswan rimaymi, qantan serviyta munani nisunmanmi, yanapaynintapas mañakusunmanmi.—Filipenses 4:6, 7
62 Jesustan kasukuna paypitaq iñinanchispas.—Hebreos 5:9; Juan 3:16
63 Salvawananchispaqmi payqa wañuran.—Romanos 5:8
64 Jesusqa cielopi Reyninchismi. Kasukunanchismi.—Filipenses 2:9-11; Revelación 19:16
65 Jesusqa niranmi, sumaqkuna yachasqaykimanta hukkunaman willanaykitapas, Diosta serviy munaqkunaq bautizakunantapas.—Mateo 28:19, 20; Juan 4:7-15
66 Chayraykun, amigoykikunaman willanayki kay allinkunamanta.—Mateo 10:32
67 Sichus allinta leeyta yachanki chayqa, astawanmi yachanki, aswan allintataq hukkunatapas yanapanki.—2 Timoteo 2:15
68 Jesusqa wawakunamanpas yachachiranmi Diosta kasukunankupaq. Qokuranmi tiempota rimapayananpaq.—Mateo 19:13-15
69 Tayta-mamakunaqa yachachinankun wawankuta, Diosta kasukuytapas, munakuytapas.—Deuteronomio 6:6, 7; Proverbios 6:20-22; Efesios 6:4
70 Kanmi askha religionkuna. Yachachiyninkupas manan llapanchu Bibliamanta. Chaymi Jehová niwanchis pantasqa yachachiq religionkunamanta lloqsipunanchispaq.—Revelación 18:4; Juan 4:23, 24
71 Kanmi Allpapi Jehováq runankuna paymanta astawan yachachisunaykipaq. ¿Pikunataqri?—Hechos 15:14; Romanos 10:14, 15
72 Jehováq testigonkunan. Paykunan sumaqta kawsanku. ¿Yachankichu imarayku? Paykunapura munanakusqankurayku.—Isaías 43:10-12; Juan 13:34, 35
73 Jehovata munakuspankun, bautizakunku. Chhaynatan lliwman rikuchinku millay kawsayninku saqesqankuta, Diosta servispa kawsay munasqankutapas.—Hechos 2:41
74 Jehováq testigonkunaqa mosoq paraisopi kawsaytan suyakunku.—Salmo 37:9-11, 29
¿Imatan ruwawaq paykunawan kuska chaypi kawsanaykipaq?—Santiago 1:22, 25; 2:20-26
75 Paykunawan kuska Jehovata serviy. Paykunaqa Jehovata, Cristo Jesustawanmi munakunku, kasukunkupas. ¿Qanri munakunkichu? ¿Munankichu Diosta reqsinankupaq hukkuna yanapayta?—Juan 6:45-47
76 Jehovapas Jesuspas munakusunkikun, chaymi munanku paraisopi wiñaypaq kawsanaykita.—Juan 3:16
Kay folletota leespa yachasqaykipas, dibujokuna qhawasqaykipas munachisunkichá kay Allpapi wiñaypaq kawsayta. Sichus kaymanta astawan yachayta munanki chayqa, rimay llaqtaykipi Jehováq testigonkunawan. Otaq qelqamuypas otaq pillawanpas qelqachikamuy tiyasqaykiq cercanpi kaq oficinaykuman, kay folletopin iskaykaq paginapi direccionta willakushan.