3 (6) taki

Willaychis allin willakuykunata

(Revelación 14:6-8)

1. Allpaq hawantan usqhaylla, huk angel rin

wiñaypaq kaq allin willakuytan apan.

Pay nin: ‘Hatunchaychis Diosta manchakuychis;

Jehová Diosllata yupaychaychis serviychis.

Juzganan horaqa ñan chayaramunña;

millay runakunaqa manan kanqachu’.

Chayrayku mana samanqachu llank’aqqa,

aswanmi lliwman willan allinkunata.

2. ¿Imatataq willan iskaykaq angelri,

paywan kuskapas willaysimunanchispaq?

Hatun Babiloniapa urmayusqanta,

kikin Diospuni chinkachinantan willan.

Willananpaqmi lliwta Jehová kamachin

vengakuyninmi ña chayaramushanña.

Hatuntaqmi predicananchis campoqa,

angelmi pusaqninchis, paywan risunchis.

3. Angelninkunantinmi, “runaq Churinqa”,

nacionkuna juzgayta kunan qallarin.

Millayta cheqnichun allin ruwaq “oveja”.

Diosta manchakuychis, leynintan qoykichis.

Señor Jesucristopa kamachisqanmi

kallpachakuspa ‘allinkuna predicay’.

Valorwanmi llank’anchis kayta nispaqa:

“Kusikuywan Jehovallata yupaychaychis.”