Waranqaq-waranqanpi angelkunaqa espiritukunan kanku

Bibliapin willashan waranqaq-waranqanpi espiritukuna kasqanta. Jehová Diospas espiritun (Juan 4:24; 2 Corintios 3:17, 18).

Qallariypiqa sapallanmi Jehová Diosqa kasharqan, chaymantan ichaqa waranqaq-waranqanpi espiritukunata kamarqan. Paykunatan angelkuna nikun. Angelkunaqa runakunamantaqa aswan atiyniyoqmi, aswan yachaysapan kanku. Danielpas chay angelkunatan rikurqan (Daniel 7:10; Hebreos 1:7).

Angelkunataqa manaraq kay jallp’ata kamashaspan Jehová Diosqa kamarqan (Job 38:4-7). Chay angelkunamantaqa manan mayqenninkupas kay pachapiqa tiyarqankuchu nitaq wañurqankupaschu.