Lección 11

Diospa rechazasqan creenciapas costumbrepas

¿Ima clase creenciakunan costumbrekunan mana allinchu? (1)

¿Creenankuchu cristianokuna Diosqa Trinidadmi nisqankupi? (2)

¿Imanaqtinmi cheqaq cristianokuna mana festejankuchu Navidadtapas, Pascuatapas cumpleañokunatapas? (3, 4)

¿Atinkumanchu wañusqakuna kawsaqkuna perjudicayta? (5)

¿Cruzpichu Jesús wañuran? (6)

¿Hayk’a allintaq Diosta kusichiyri? (7)

1. Manan llapa costumbrekunachu nitaq llapa creenciakunachu mana allinqa. Diosmi ichaqa, mana munanchu pantasqa religionkunaq yachachisqanta, Bibliaq yachachisqan contrapi kaqkunatapas. (Mateo 15:6.)

2. Trinidad: ¿Trinidadchu Jehová, huk Diosllapi kinsa persona? Manan. Jehová Yayallan “Cheqaq Diosqa”. (Juan 17:3; Marcos 12:29.) Jesusqa primer Churinmi, Diostan kasukun. (1 Corintios 11:3.) Yayaqa Churimanta kuraqmi. (Juan 14:28.) Santo espirituqa manan personachu; Diospa fuerzanmi. (Génesis 1:2; Hechos 2:18.)

3. Navidadpas Pascuapas: Jesusqa manan 25 de diciembrepichu naceran, 1 de octubreta hinan, chay killapiqa michiqkunapas campollapin animalninkuta tutapas cuidaqku. (Lucas 2:8-12.) Jesusqa manan hayk’aqpas cristianokunata kamachiranchu nacesqan p’unchay festejanankupaq. Wañusqanta yuyarinapaqmi ichaqa kamachiran. (Lucas 22:19, 20.) Ñawpa tiempopi pantasqa religionkunamantan hamun Navidadpas costumbrenkunapas. Ahinallataqmi Pascuapi costumbrekunawanpas, Pascuapi ruwasqanku misk’imanta runtupas conejopas. Qallariypi cristianokunaqa manan Navidadtapas, Pascuatapas festejarankuchu, kunanpas cheqaq cristianokunaqa manan festejankuchu.

4. Cumpleañokuna: Jehovata mana adoraq runakunaq festejasqan iskay cumpleañollamantan Bibliaqa willan. (Génesis 40:20-22; Marcos 6:21, 22, 24-27.) Primer cristianokunaqa manan cumpleañonkuta festejarankuchu. Chay costumbreqa ñawpa tiempopi pantasqa religionkunapin qallariran. Cheqaq cristianokunaqa yachankun regalo qoyta, mayninpiqa huñunakunkun ima p’unchaypas sumaq rato pasanankupaq.

5. Wañusqakuna manchakuy: Wañusqakunaqa manan imatapas ruwankuchu nitaq imatapas sientenkuchu. Manan yanapaswanchu nitaq paykunapas perjudicawasunmanchu. (Salmo 146:4; Eclesiastés 9:5, 10.) Almaqa wañunmi; wañusqan qhepamanqa manan kawsanñachu. (Ezequiel 18:4.) Mayninpiqa, demonio nisqa millay angelkunan, wañusqakunaman tukuspa rimanku. Wañusqakuna manchakuypas adoraypas mana allin costumbren. (Isaías 8:19.)

6. Cruz: Jesusqa manan cruzpichu wañuran, k’aspipin otaq postepi. Griego simimanta askha Bibliakunapi “cruz” nispa t’ikrasqankuqa k’aspi ninantan. Cruz ruwayqa ñawpapi pantasqa religionkunamantan hamun. Qallariypi cristianokunaqa manan cruzta hap’irankuchu nitaq adorarankuchu. Chayrayku, ¿allinchu kanman adorayninchispi cruz hap’iy? (Deuteronomio 7:26; 1 Corintios 10:14.)

7. Sasapasmi kanman wakin costumbrekuna creenciakuna saqeyqa. Familiaykikunapas amigoykikunapas manapaschá munanqakuchu chay costumbrekuna saqenaykita. Diosta kusichiymi aswan allin runamasinchis kusichiymantaqa. (Proverbios 29:25; Mateo 10:36, 37.)

[22 paginapi foto]

Diosqa manan Trinidadchu

[23 paginapi foto]

Navidadpas Pascua Floridapas ñawpa tiempopi pantasqa religionkunamantan hamun

[23 paginapi foto]

Manan wañusqakunataqa adoranachu nitaq manchakunachu