Lección 12
Respetasun kawsayta yawartapas
¿Imaynatan rikunanchis vidata? (1) ¿Abortotapas? (1)
¿Imaynatan cristianokuna rikuchinku seguridadmanta preocupakusqankuta? (2)
¿Allinchu animalkuna wañuchiy? (3)
¿Ima ruwaykunan rikuchin vidanchis mana respetasqanchista? (4)
¿Imaninmi Diospa leynin yawarmanta? (5)
¿Imaninmi Diospa leynin yawar churachikuymanta? (6)
1. Jehovan kawsay Qoqqa. Llapa kawsaqmi vidanta Diosmanta chaskin. (Salmo 36:9.) Diospaqqa sagradon vidaqa. Jehovapaqqa ancha valorniyoqmi mamanpa wiksanpi manaraq naceq wawaq vidanpas. Diosqa manan munanchu chay wawa wañuchinata. (Éxodo 21:22, 23; Salmo 127:3.)
2. Cheqaq cristianokunaqa preocupakunkun seguridadmanta. Chaymi cuidanku carronkuta wasinkuta mana pitapas peligropi churananpaq. (Deuteronomio 22:8.) Diosta serviqkunaqa manan vidankuta peligropi churankuchu. Chayraykun mana pukllankuchu maqanakuyman, k’irinakuyman apaq pukllaykunapi. Karunchakunkun millay pukllaykunamanta. (Salmo 11:5; Juan 13:35.)
3. Animalpa vidanpas kamaqninchispaqqa sagradon. Cristianoqa wañuchinmanmi animalkunata mikhunanpaq, p’achakunanpaq, vidan peligropi kaqtinpas. (Génesis 3:21; 9:3; Éxodo 21:28.) Manan allinchu animalkuna ñak’arichiypas, pukllaspa wañuchiypas. (Proverbios 12:10.)
4. Cristianokunaqa manan cigarrota fumanankuchu, cocatapas akullinankuchu nitaq drogatapas tomanankuchu. Kay ruwaykunaqa manan allinchu 1) viciomanmi runata apan, 2) cuerpontan malogran 3) qhellitaqmi kanpas. (Romanos 6:19; 12:1; 2 Corintios 7:1.) Chay viciokuna saqeyqa sinchi sasan kanman, Jehovata kusichiyta munaspan ichaqa saqenanchispuni.
5. Diospaqqa yawarpas sagradon. Almaqa, vidaqa yawarpin ninmi payqa. Chayraykun yawar mikhuyqa mana allinchu. Animalpa yawarninta mana sut’uchispa aychan mikhuypas. Manan mikhunachu trampawan wañuchisqa otaq seq’osqa animalpa aychantapas. Sichus lanzawanpas otaq balawanpas animalta wañuchinku chayqa, sut’uchinapachan yawarninta aychan mikhunapaqqa. (Génesis 9:3, 4; Levítico 17:13, 14; Hechos 15:28, 29.)
6. ¿Allinchu cuerpoman yawar churachikuy? Yuyariy, Jehovan prohibiwanchis chay ruwayta. Chayraykun cuerponchismanqa mana maynintapas churachikunachu huk runaq yawarninta nitaq yawarninchistapas waqaychasqataqa. (Hechos 21:25.) Chaymi, cheqaq cristianokunaqa mana yawarta churachikunkuchu. Chaskinkun ichaqa suerokunatapas medicokunaq yanapaynintapas. Kawsaytan munanku, ichaqa manan kawsayninku salvanankuraykuchu Diospa leyninta p’akinqaku. (Mateo 16:25.)
[25 paginapi fotokuna]
Dios kusichinapaqqa, manan yawarta churachikunachu, cuerpotapas viciowan qhellichanachu, vidatapas peligropi churanachu