Lección 15

Runata yanapay Diospa munaynin ruwananpaq

¿Imaraykun rimanayki yachasqaykimanta? (1)

¿Pikunamanmi kay sumaq willakuykunata willawaq? (2)

¿Imaynatan kawsayniyki hukkunata yanapanman? (2)

¿Hayk’aqmi congregacionniykiwan predicawaq? (3)

1. Askhatañan yachanki Bibliamanta sumaqkunata. Kay yachasqaykin yanapasunayki kawsayniykipi sumaq cristiano kanaykipaq. (Efesios 4:22-24.) Chay yachaywanmi wiñay kawsayta chaskinki. (Juan 17:3.) Runamasiykipas salvakunanpaqqa uyarinanmi sumaq willaykunamanta. Llapankun cheqaq cristianokunaqa predicananku. Diospa kamachisqanmi. (Romanos 10:10; 1 Corintios 9:16; 1 Timoteo 4:16.)

2. Willawaqmi hukkunaman allinkuna yachasqaykimanta. Willay familiaykiman, amigoykikunaman, trabajopi, escuelapi compañeroykikunamanpas. Sumaqta pacienciawan willay. (2 Timoteo 2:24, 25.) Imayna kawsasqaykitan runaqa fijakunqa rimasqaykimantaqa. Chaymi, kawsayniyki allin kaqtinqa hukkunapas uyarinqa mensaje willasqaykita. (Mateo 5:16; 1 Pedro 3:1, 2, 16.)

3. Tiempoq risqanman hinachá huñunakusqayki congregacionpi Jehováq testigonkunawan kuska predicanaykipaq requisitokunata hunt’anki. Kayqa allinmi Diosta serviypi wiñanaykipaq. (Mateo 24:14.) ¡Ancha kusikuychá kanman yanapasqaykiwan hukkunapas Diosta servispa wiñay kawsayta chaskiqtinkuqa! (1 Tesalonicenses 2:19, 20.)