¿Imatan wawaykikuna necesitan?
SAPANKA tayta-maman yanapakun juj wawa paqarimunanpaq. Chay wawan mamanpa wijsanpi wiñan nacemunan p’unchaykama. Llapa wawakuna chhayna paqarisqanmanta admirakuspan runakuna ninku: “Chayqa milagron”, nispa.
Wawata kay pachaman apamusqanku qhepamanqa, imaymanapin tayta-maman yanapananku kanqa. Chayllaraq naceq wawaqa tayta-mamallanmantan dependen. Ichaqa wiñasqanman jinan necesitanqa yuyaykusqanpi, kausayninpi, iñiyninpi ima yanapananta.
Tayta-mamanpa munakusqan wawakunaqa allintan wiñanku. Ichaqa manan simillawanchu munakusqaykichista rikuchinaykichis aswanpas allin ejemploykichiswanmi. Chaymantapas kausanapaq allin yachachikuykunatan juch’uychanmantapacha yachachinaykichis. Wiñanantaraq suyankichis chayqa sasachakuykunapin rikukunqaku.
Allin kausanapaq yachachikuykunaqa Bibliapin kashan. Chaypi yachachikuykunan wawakunata aswan allinta yanapanqa. Kikin kamaqninchispa yachachikuynin kasqanta yachaspan, wawakunaqa Bibliapi consejokunata aswan allinpaq jap’ikunqaku.
Llapa tayta-mamakunatan Biblia kallpachashan wawankuman allin yachachikuykunata yachachinankupaq. Ichaqa wawakunaq wiñasqanman jinan wakin tayta-mamakuna manaña importante yachachikuykunamanta paykunawan parlarinkuchu. Chayqa manan kananchu. Chaymi JESUSPA YACHACHISQANTA UYARIKUSUN, nisqa libro ruwakamun Diosmanta yachashanallaykichispaq. Kay libron yanapasunkichis wawaykichiswan parlashanallaykichispaq otaq juj yachachiqwan parlashanallanpaq.
Kay libropiqa askha tapukuykunan kashan. Chay tapuykunatan wawakuna kutichinanku. Yaqa llapa tapukuykunaq tukuyninpin kinsa puntochakuna kashan (...). Chay puntokunaman chayaspaqa suyanaykin wawaq kutichinanta. Chaymi yanapanqa kusisqa estudiananpaq mana chayqa aburrikapunqan.
Ichaqa, ¿imapaqmi astawanqa chay tapuykuna churakamun? Wawaykiq sonqonpi imachus kasqanta yachanaykipaqmi. Mayninqa manapaschá allintachu kutichinqa. Ichaqa chay tapuyman qatiq willakuykunan yanapanqa allin yachachikuykunata sonqonpi jap’ikunanpaq.
Kay libropiqa 230 más sumaq dibujokunan kashan. Chay dibujokunaq ladonpin tapukuykuna kashallantaq. Chay dibujokunan wawata yanapanqa libropi leesqanta entiendenanpaq tapuykunaman kutichinanpaq ima. Chayta ruwaspan wawaykita yanapanki yachasqanta umanpi jap’inanpaq.
Wawayki leeyta yacharuqtin jina, kallpachay ladoykipi leenanpaq sapallanpi leenanpaqpas. Kay librota askha kutita leenqa chayqa, chaypi consejokunan sonqonpi qhepanqa. Ichaqa sapa kutilla kuska leesqaykichismi astawanqa jujllachasunkichis. Chhaynapin wawayki astawan munakusunki respetasunki ima.
Kay tiempopi wawakunapaqmi astawanqa imaymana trampakuna kashan. Televisionpi internetpi iman millay qhelli ruwaykuna, espiritismo, juj millay ruwaykunapas lloqsimushan. Kay libron yanapasunki chay trampakunamanta wawaykita cuidanaykipaq. Jesús jinan wawaykita yachachinayki Jehová Diospa yanapayninta Bibliapi maskhananpaq. Kay libron qantapas wawaykikunatapas yanapasunkichis Diospaq jina kausanaykichispaq jamuq tiempopi bendicionkunata chaskinaykichispaqpas.