Diospaqqa hunt’aqllapunin kananchis

1. Jehová Diosman k’askakusun,

pay sonqon kawsashana.

Llaqtan kaspan yachananchis

imachus munasqanta.

Siminqa may allinpunin,

chayraykun kasukuna.

Diosninchisqa hunt’aqpunin;

payllapin suyakuna.

2. Tukuy tiempon yanapana

Dios sonqo kaqkunata.

Rimaspapas ruwaspapas

hunt’aqmi lliwpas kana.

Llapallan iñiqkunatan

allinta respetana.

Bibliallata kasukuspan

sumaqta kawsashana.

3. Llapanchismi kasunanchis

umalli kaqkunata,

imataña niqtinkupas

allintan uyarina.

Chhaynapin Jehová Diosninchis

kallpanta qowasunchis.

Hunt’aq sonqo kaqtinchisqa

paypaqmi kawsasunchis.