17 taki
¡Ñawpaqllaman purisun, Testigokuna!
1. Kunanmi lliwpas rikch’asqa kashana,
Diospa nisqantapas lliwmanmi willana.
Saqran hark’ayta munawanchis,
ichaqa Diosmi yanapawasunchis.
(CORO)
¡Ñawpaqmanmi purina, Testigokuna!
¡Kusikuywanmi Diosninchispaq llank’ana!
Mosoq pachaqa yaqañan chayamunqa,
chaytan lliw runaman willamuna.
2. Qella kaytaqa manan munanchischu;
millay kawsaypipas manan purinchischu.
Kawsayninchisqa ch’uyan kanan,
chay hina kananchistan Diosqa munan.
(CORO)
¡Ñawpaqmanmi purina, Testigokuna!
¡Kusikuywanmi Diosninchispaq llank’ana!
Mosoq pachaqa yaqañan chayamunqa,
chaytan lliw runaman willamuna.
3. Kamachiq Diostan asipayashanku,
ch’uya sutinmantan yanqata rimanku;
chaymi paymanta willananchis,
“Diosllatan kasuna”, nispan ninanchis.
(CORO)
¡Ñawpaqmanmi purina, Testigokuna!
¡Kusikuywanmi Diosninchispaq llank’ana!
Mosoq pachaqa yaqañan chayamunqa,
chaytan lliw runaman willamuna.
(Kay textokunatawan leey: Fili. 1:7; 2 Tim. 2:3, 4; Sant. 1:27.)