¿Pikunan Noepa tiemponpi Diosta uyarirqanku?

Noepa tiemponpi runakunaqa sinchitan mana allinkunata ruwaqku (Génesis 6:5).

Adanwan Evawanqa askha wawakunayoqmi karqanku, chhaynapin jallp’api askha runa mirarqan. Qhepamanqa wakin angelkunapas Dios contran jatarillarqankutaq.

Paykunan kay jallp’aman uraykamuspa runaman tukurqanku, jinaspa warmikunawan casarakurqanku. Chay angelkunaq churiyasqan runakunaqa sinchi millaymi karqanku.

Bibliaq willasqanman jinaqa “runakunaq mana allin ruwasqanqa sinchitan yapakusharqan”, lliu piensasqankupas mana allinllapunin kasharqan.

Noeqa kasukurqanmi Diosta chaymi juj arcata ruwarqan (Génesis 6:13, 14, 18, 19, 22).

Noé ichaqa allin runa karqan. Jehová Diosmi payman willarqan mana allin ruwaq runakunata jatun parawan chinkachinanta.

Diosmi kamachirqan juj jatunkaray arcata ruwananpaq. Chaymanmi familian jaykunan karqan, jinallataq imaymana clase animalkunapas.

Noeqa willarqanmi runakunaman jatun para kananmanta, ichaqa manan uyarirqankuchu. Wakinqa asipayarqankun, wakintaq sinchita phiñakurqanku.

Arca ruwayta tukuspan Noeqa chayman animalkunata jaykuchirqan.