¿Pin karqan Jesús?

Jehová Diosmi Jesusta kay pachaman kachamurqan (1 Juan 4:9).

Manaraq Adanta kamashaspan Jehová Diosqa juj ancha atiyniyoq angelta kamarqan. Jehová Diosqa chay angeltapas uyarinanchistan munan, payta uyarisun chayqa kusisqan kanqa Diosqa.

Qhepamanmi chay angelqa Diospa munayninpi kay pachapi runa jina nacerqan. María sutiyoq doncella sipasmi paytaqa Belén llaqtapi onqokurqan, paytan Jesús nispa suticharqanku (Juan 6:38).

Jesusqa taytan jinan karqan, llapa runakunatan munakuq, sumaqtan qhawariq, chaymi runakunaqa paywan kayta munaqku. Chaymantapas Jesusqa mana manchakuspan runakunaman Diosmanta yachachiq.

Allinkunataña Jesús ruwarqan chaypas, askha runakunan paytaqa cheqnikurqanku (1 Pedro 2:21-24).

Religionpi umallikunaqa sinchitan Jesusta cheqnikuqku. Chay umalliqkuna pantasqa yachachisqankuta mana allinkuna ruwasqankutapas sut’iman orqosqanmantan nishuta cheqnikuqku.

Jesusqa onqosqakunatan qhaliyachirqan wakin wañusqakunatapas kausarichirqanmi.

Religionpi umallikunaqa Roma llaqtayoq runakunawanmi Jesusta soq’achirqanku, paykunan wañuchirqankupas.