9 YACHACHIKUY

¿Jayk’aqmi kay pacha paraisoman tukunqa?

Imaymana sasachakuykunaq kasqanmi rikuchin Diospa gobiernonqa qayllapiña kashasqanta (Lucas 21:10, 11; 2 Timoteo 3:1-5).

Tukukuy tiempokunapin imaymana sasachakuykuna kashan. Guerrakuna, onqoykuna, yarqay iman kashan. Runakunapas qolqe sonqo, tayta-mamankuta mana kasukuq iman kanku.

Bibliaqa willarqanñan kay tiempopi imaymana sasachakuykuna kananta. Wawakunan tayta-mamankuta mana kasukunankuchu karqan, runakunapas millaymanmi, qolqe sonqomanmi tukupunanku karqan, kusirikuykunallapin purinankupas karqan.

Chaymantapas Bibliaqa willarqanmi terremotokuna, onqoykuna, yarqay ima kananmanta. Chaykunan kay tiempopi rikukushan.

Jehová Diospa testigon juj runaman Diospa gobiernonmanta allin willakuykunata willashan

Jesusmi willarqan imaynas Diospa gobiernonmanta allin willakuykunaqa pachantinpi willakunan karqan chayta (Mateo 24:14).

Diospa gobiernonmi tukuy mana allin kaqta chinkachipunqa (2 Pedro 3:13).

Armagedón guerrapi millay runakuna chinkachisqa kashanku. Satanaspas supayninkunapas castigasqan kashanku

Pisi tiempollamantan Jehová Diosqa millay runakunata chinkachipunqa.

Satanasqa supayninkunawan kuskan castigasqa kanqaku.

Jesusmi janaq pacha trononpi tiyashan. Llapa nacionmanta runakunataq may kusisqa kashanku

Diosta kasukuq runakunaqa kusisqan kay pachapi kausanqaku. Chaypiqa munakuy, thaj kausay, chanin ruway iman kanqa; manañan pipas manchasqachu tiyanqa. Llapankun juj nisqalla kausanqaku.