Diosmi munakuyta yachachiwanchis

1. May munakuqmi Jehová Diosninchisqa;

pay jinan kananchis.

Diosmi wawanwan kacharichiwanchis

juchamanta, wañuymanta.

Chaywanmi payqa yachachiwaranchis

munakuq kayta, sumaq sonqo kayta.

Tukuytan Diosqa munakuywan ruwan,

munakuymi paypa ñanninqa.

2. Diospa ñanllanpin munakuyqa kashan,

chayllapin kananchis.

Chay munakuymi jujllachawasunchis

Jehová Diosman llaqtanmanwan.

Munakuq kaspan kusisqa sonqowan

perdonaykusun iñiqmasinchista.

Chayta ruwaspan lliuman rikuchisun

munakuyta, Dios munakuyta.

3. Munakuy ñanpin juj familia jina

llapapas kashanchis.

Chayraykun Diosqa kallpachaykuwanchis

chay ñanllapi kananchispaq.

Chay munakuypi wiñananchispaqmi

Diosqa qowanchis kallpanta, qelqanta.

Chhaynaqa lliupas munanakusunchis;

munakuyqa Diosmantan jamun.