Umalliq t’aqaq cartan

Jehová Diosta Bibliatapas munakuqkunapaq:

Jesusmi niran: “Reqsinkichistaqmi imachus cheqaq kasqantapas, chay cheqaq kaqtaqmi kacharichisunkichis”, nispa (Juan 8:32). Chayllaraq Bibliamanta yachashaspa imayna sientekusqaykitaqa yuyashankichá, anchatachá kusikuranki kay millay pachapi cheqaq kaqta yachasqaykimanta (2 Timoteo 3:1).

Jehová Diosqa munanmi cheqaq kaqta yachananchista. Noqanchispas runamasinchista munakuspan cheqaq kaqta willanchis. Jinaspapas Bibliapi yachachikuykunata respetasqanchistan rikuchinchis allin cristiano kaspa. Jesusqa willaranmi Diosta imayna munakunanchista, niranmi: “Kamachikuyniykunatachus kasukunkichis chayqa, munakuynillaypin kashankichis, imaynan noqapas Yayaypa kamachikuyninkunata kasukuspa munakuynillanpi kashani jinata”, nispa (Juan 15:10).

Jesusqa anchatan Diosta munakun chaymi tukuy nisqanta kasukun. Sichus Jesuspa ejemplonta qatikusun chayqa, Jehová Diosmi munakuwasun kusisqataqmi kausasunpas. Jesusmi niran: “Yachankichistaq chaykunata chayqa, chayman jina ruwaspaykichisqa ancha kusisqan kankichis”, nispa (Juan 13:17).

Kay libron yanapasunkichis Dioswan amigontin kanaykichispaq Bibliaq yachachisqanman jina kausanaykichispaqpas. Diosta astawan munakushallaychis, chhaynapin ‘paypa munakuynillanpi kashankichis wiñay kausayta suyakuspa’ (Judas 21).