LECCIÓN 16

Kallpachanapaq jina rimay

Job 16:5

Imaynatas ima problemapas allichakunman, chaytan astawanqa willanayki, kallpachanapaq jinataqmi rimanaykipas.

Allin ruwasqankutan qhawarinayki. Hermanokunaqa Diospa sonqonpaq jinan imatapas ruwayta munanku, chaytan reparanayki. Ima consejotaña qonki chaypas, ñaupaqtan willanayki allinkuna ruwasqankuta.

Uyariqkunata munakusqaykiraykun imatapas ninayki. Kusisqa uyawan rimanki chayqa amigonta jinan qhawarisunkiku, reparanqakutaqmi paykunata entiendesqaykita.
Pisillata rimay mana allin kaqkunamanta. Sichus willanayki kanqa mana allin ruwaykunamanta chayqa, necesitakusqallanta willay. Astawanqa allin kaqkunamanta rimay.
Bibliata allinta utilizay. Willay imatachus Jehová Dios runakunarayku ñaupaqpi ruwasqanta, kunan tiempopi ruwashasqanta, jamuq tiempopi ruwanantapas. Uyariqkunata kallpachay, suyakuyniyoq kasqankutataq willay.