Asambleaman riqkunapaq willakuykuna

ACOMODADORKUNA. Asambleaman pasaykachiqkunan ima necesitasqaykipipas yanapasunki. Chayrayku kasukuy carroykita maypi waqaychanaykipaq, mayninta purinaykipaq, tiyanakuna waqaychanaykipaq otaq imatapas ruwanaykipaq nisqasuykikuta.

TIYANAKUNA. Ama jina kaspa, tiyanakunata jap’iyta munaspaqa, qanwan kuska carropi riqkunapaq, wasiykipi tiyaqkunapaq otaq estudianteykikunapaq imalla jap’iy. Ama imatapas churaychu mana jap’isqayki tiyanakunapiqa. Anchatan agradecekuykiku chaykunapi yanapakusqaykimanta.

BAUTISMO. Bautizakuqkunapaq maypi tiyanankutan waqaychakunqa plataformaq chimpanpi. Sábado tutamanta bautizakuqkunapaq yachachikuy manaraq qallarishaqtinmi paykunaqa chaypiña tiyashananku. Llapallankun apananku juj toallata, bautizakunankupaq p’achatawan.

DONACIONKUNA. Askha qolqen gastakuran allin tiyanakuna kananpaq, allinta uyarinapaq parlantekunata, videota qhawanapaq equipokunata churanapaq, jujkunapaqpas. Chaykunatan ruwakun asambleata sumaqta uyarinapaq, Jehová Diosman astawan asuykunapaq ima. ¿Ima qolqewanmi chay gastokunata ruwakun? Donacionkuna churasqanchiswanmi, jinaspapas chayqa mundontinpi llank’ay aparikusqanpin yanapan. Localpiqa muyuriqnintinpin donacionta churanapaq cajakuna kashan. Umalliq t’aqan anchata agradecekun tukuy sonqowan yanapakusqaykichismanta.

OBJETOS PERDIDOS. Jujpa ima kaqnintapas tarispaqa maypichus chinkasqakunata juñushanku chayman apay, otaq ima kaqniykitapas chinkachiranki chayqa chay juñusqankuman riy. Juj wawa chinkasqa kaqtinqa chaymanmi apana. Tayta-mamakunaqa makillan wawankuta qhawashananku, chhaynapi ama pipas llakipi tarikunanpaq.

PRIMEROS AUXILIOS. Chaypiqa yanapakun qonqaylla onqoruqkunallatan otaq k’irikuqkunallatan.

SERVICIO VOLUNTARIO. Imapipas asambleapi yanapakuyta munanki chayqa, chay departamentoman riy.

IMPORTANTE JUÑUNAKUY

Diospa gobiernonmanta willaqkunapaq escuela: Chay escuelaman riy munaqkunapaqmi domingo tardenta juj juñunakuy aparikunqa. Chaymanmi 23 watayoqmanta 65 watankukama Diospaq astawan llank’ayta munaq precursorkuna invitasqa kashanku. Ima hora, maypi aparikunantaqa asambleapin willakunqa.