46 YACHACHIKUY
¿Imaraykun Diosman entregakunanchis bautizakunanchispas?
Pipas Diosman entregakuqqa manaraq bautizakushaspan juj mañakuypi Jehová Diosman promesata ruwan payllata adorananpaq, paypa munaynillanta ruwananpaq (Salmos 40:8). Chaymantataq bautizakun, chaywanmi jujkunaman rikuchin Jehová Diosman entregakusqanta. Jehová Diosman entregakuyqa manan ima ruwaywanpas tupanmanchu, juj jatun ruwaymi chayqa. Chayta ruwayqa kausayninchista imaraqmi cambiawanchis. ¿Iman kallpachasunkiman qanpas chayta ruwanaykipaq?
1. ¿Imaraykun Jehová Diosman entregakunanchis?
Munakuymi apawasun Jehová Diosman entregakunanchispaq (1 Juan 4:10, 19). Bibliapin nishan: “Jehová Diosniykitan munakunki tukuy sonqoykiwan, tukuy almaykiwan, tukuy yuyayniykiwan, tukuy kallpaykipiwan”, nispa (Marcos 12:30). Jehová Diosta munakusqanchisqa rikukunqa imayna rimasqanchispi imakuna ruwasqanchispi iman. Imaynan juj qharitapas juj warmitapas munanakuyninku apan casarakuyman, chhaynatan noqanchistapas Jehová Diosta munakusqanchis apawasun payman entregakuyman. Payta munakusqanchisraykun bautizakusunpas.
2. ¿Ima bendicionkunatan Jehová Dios qon bautizasqa testigonkunaman?
Bautizakuspaqa Jehová Diospa familianmantan kapunki, arí, Diospa ancha kusisqa familianmantan kapunki. Astawanmi Diosmanpas asuykunki, munakuynintapas imaymanapin rikunki (leey Malaquías 3:16-18). Jehová Diosmi papayki kapunqa. Chaymantapas llapa pachantinpi iñiqmasikunan familiayki kapunqa, paykunaqa anchatan Jehová Diosta munakunku, qantapas anchatan munakusunkiku (leey Marcos 10:29, 30). Manaraq bautizakushaspan ichaqa kaykunataraq ruwanayki: Jehová Diostan reqsinayki, munakunayki, churinpi iman iñinayki, chaymantataq payllapaqña kausanaykipaq promesata ruwanayki. Tukuy chaykunata ruwaspa bautizakunki chayqa, wiñay kausaytan chaskinki. Khaynatan Diospa siminpi nishan: “Bautismon kunanqa qankunatapas [...] salvashasunkichis”, nispa (1 Pedro 3:21).
ASTAWAN YACHASUNCHIS
¿Imaraykun Jehová Diosman prometekuspa bautizakunayki? Chaymanta kunan yachasun.
3. Llapanchismi ajllakunanchis pitas servisunchis chayta
Ñaupa tiempopi wakin Israel runakunaqa Jehová Diosta adorashaspapas Baal idolota normalta adoranankupaqmi piensaqku. Ichaqa manapunin allinchu kasharqan chayqa. Chaymi Jehová Diosqa profetan Eliasta kacharqan chayta reparachinanpaq. Leeychis 1 Reyes 18:21 textota, jinaspa jamuq tapuyman jina parlariychis:
¿Imatan Israel runakuna ajllakunanku karqan?
Noqanchispas Israel runakuna jinan ajllakunanchis kanqa pitas servisunchis chayta. Leeychis Lucas 16:13 textota, jinaspa jamuq tapuykunamanta parlariychis:
¿Allinchu kanman Jehová Diosta servishaspa, pitapas imatawanpas yupaychay? ¿Imarayku?
¿Imaynatan rikuchisunman Jehová Diosllata servinanchispaq ajllakusqanchista?
4. Jehová Diosqa anchatapunin munakusunki
Jehová Diosqa imaymanatan qowanchis. Noqanchisri, ¿imatan payman qosunman? VIDEOTA qhawaychis.
¿Imakunata ruwaspan Jehová Dios munakuwasqanchista rikuchiwanchis? Leeychis Salmos 104:14, 15; 1 Juan 4:9, 10 textokunata, jinaspa jamuq tapuykunaman jina parlariychis:
Jehová Diosqa imaymanatan qowanchis. Ichaqa, ¿mayqenkunamantan astawan “gracias Diosníy” ninki?
Tukuy chaykunapi piensaspa, ¿manachu astawan payta munakunki?
Pipas juj sumaq regalota qowanchis chayqa “gracias” nispan chaskikunchis ¿riki? Regalo qowaqninchispas kusisqa kasqanchista yachanantan munanchis. Leeychis Deuteronomio 16:17 textota, jinaspa jamuq tapuykunaman jina parlariychis:
Jehová Diosninchis imaymanata qosqasuykipi piensaspa, ¿manachu qanpas imallatapas qoyta munanki? ¿Imatan qowaq?
5. Diosman entregakunki chayqa imaymana bendicionkunatan chaskinki
Askha runakunan piensanku allin reqsisqa kaspa, allin profesionniyoq kaspa, askha qolqeyoq kaspa kusisqa kanankupaq. Ichaqa, ¿chhaynapunichu kanman? VIDEOTA qhawaychis, jinaspa jamuq tapuykunaman jina parlariychis:
Chay videopi rikusqanchis runaman anchataña bola jayt’ay gustarqan chaypas, ¿imaraykun chayta saqepurqan?
Payqa Jehová Dios serviytan ajllakurqan, manan bola jayt’aytachu. ¿Imaninkin chay ruwasqanmanta? ¿Allinchu karqan chay ruwasqan?
Apóstol Pabloqa allin estudioyoqmi karqan, manaraq Jesuspa qatikuqnin kashaspan payqa leykunata yachachiq allin reqsisqa runawan estudiarqan. Ichaqa Jesuspa qatikuqnin kananpaqmi llapa imaymanata saqepurqan. ¿Pesapakunmanchu karqan chay ruwasqanmanta? Leeychis Filipenses 3:8 textota, jinaspa jamuq tapuykunaman jina parlariychis:
¿Imaraykun apóstol Pablo ñaupaqpi ruwasqankunamanta rimaspa “mana valeq q’opata jinan qhawaripuni” ninman karqan?
¿Imatan chaskirqan tukuy chaykuna saqepusqanmanta?
Imaniwaqmi, ¿aswan allinchu kanman kausayniyki Dios serviyta ajllakuqtiyki? ¿Imaraykutaq chhaynata ninki?
Jesuspa qatikuqnin kapuspan Pabloqa aswan kaqniyoq kapurqan.
WAKIN RUNAKUNAN NINKU: “Yanqachá kanman Diosman entregakuspa payta serviyqa”, nispa.
Imaniwaqmi, ¿yanqachu kanman Jehová Diosta serviyta ajllakuy? ¿Imaraykutaq mana yanqachu kanman?
IMATAN YACHAMURQANCHIS
Jehová Diosta munakusqanchismi tanqawasun payman entregakunanchispaq bautizakunanchispaqpas.
Yuyarisun
¿Imaraykun Jehová Diosta tukuy sonqonchiswan munakunanchis servinanchispas?
¿Ima bendicionkunatan Dios qon bautizasqa testigonkunaman?
¿Munawaqchu Jehová Diosman entregakuyta?
ASTAWAN YACHANAYKIPAQ
Kay videopin yachanki imaraykus bola jayt’aypi pujllaq runapas takiqpas Jehová Dios serviyta ajllakurqanku chayta.
Wayna-sipaskunaq tapukuynin: ¿Imatan vidaywan ruwasaq? (6:52)
¿Imakunapiwanmi razón kan Jehová Diosman entregakunanchispaq? Chayta astawan yachay kay qelqapi.
“¿Imaraykun Jehová Diosman entregakunanchis?” (Qhawaq, 2010 watapi 15 enero)
Kay videopin rikunki Jehová Dios serviyta ajllakuqkunaqa may kusisqa kasqankuta.
Kay qelqata leespan yachanki imaraykus juj warmi aswan allin kaqta ajllakurqan chayta.
“Bibliaq yanapayninwan cambianku” (Qhawaq, 2012 watapi 1 noviembre)