RIMAYTA QALLARIY
4 YACHACHIKUY
K’umuykukuq kay
Bibliapin nin: “K’umuykukuywan jujkunata qankunamanta aswan allinpaq qhawariychis”, nispa (Filip. 2:3).
Pabloq imachus ruwasqan
1. VIDEOTA qhaway otaq leey Hechos 26:2, 3 textota. Jinaspa qatimuq tapuykunapi yuyaymanay:
¿Imaynatan k’umuykukuq kasqanta Pablo rikuchirqan rey Agripata rimapayaspa?
¿Imatan Pablo ruwarqan Jehová Diospi Bibliapi ima piensachinanpaq, manataq pay kikinpichu? (Qhaway Hechos 26:22).
¿Imatan yachasunman Pabloq imayna yachachisqanmanta?
2. Respetowan k’umuykukuywan ima Bibliamanta rimaqtinchisqa uyarikunqakun runakunaqa.
Pabloq ruwasqanta jina ruway
3. Ama jujkunamanta aswan allinpas kawaq jinaqa rimaychu. Tukuy imatapas yachaq jina rimaqtiykiqa, manapas imatapas yachanmanchu jinan uyariqniykiqa qhawarikunman. Chayrayku respetowanpuni rimapayay.
4. Sut’ita reparachiy yachachisqaykiqa Bibliamantapuni kasqanta. Diospa simin qelqaqa runakunaq sonqonmanmi chayanman. Bibliawan yachachispan yanapanchis iñiyninku allin saphichasqa kananpaq.
5. Sumaqllata rimay. Ama qanpa rimasqallaykita valechikuq jinaqa rimaychu. Noqanchisqa manan runakunawan discutiqchu purinchis. K’umuykukuq kaymi yanapasunki ama phiñakunaykipaq imay ratupichus ripunayki kasqanta reparanaykipaqpas (Prov. 17:14; Tito 3:2). Sumaqllata rimaqtiykiqa yaqapaschá juj kutikunapi noqanchiswan rimayta munanman.
QHAWALLAYTAQ
Rom. 12:16-18; 1 Cor. 8:1; 2 Cor. 3:5 textokunata.