Sut’illanta rimay

Jesuspa imachus ruwasqan

VIDEO: Qhapaq waynata Jesús yuyaychan

1. VIDEOTA qhaway otaq leey Marcos 10:​17-22 textota. Jinaspa qatimuq tapuykunapi yuyaymanay:

1. ¿Ima allin kaqkunatan Jesús chay waynapi repararqan?

2. ¿Imaraykun Jesús chay waynata munakuywan sut’illanta rimapayarqan?

¿Imatan yachasunman Jesuspa imayna yachachisqanmanta?

2. Yachachisqanchis runakuna iñiyninkupi wiñarinankupaqqa munakuywanmi rimapayananchis, chaymantapas sut’illantan imatapas ninanchis.

Jesuspa ruwasqanta jina ruway

3. Yanapay imatas iñiyninpi astawan wiñarinanpaq ruwanman chaypi yuyaykunanpaq, yanapallaytaq chay ruway munasqanman aypananpaqpas.

1. Kusisqa kausay librota estudiashaspa sapanka yachachikuypi “Kayta ruway” nisqa parteta t’aqwiriychis.

2. Yachachisqayki runaman willay imakunatas ruwanan imachus ruway munasqanman aypananpaq chayta.

3. Sapa kutilla “kusa” niy imachus ruway munasqanman aypananpaq kallpachakushasqanmanta.

4. Imakunan yachachisqayki runata jark’ashanman iñiyninpi wiñarinanpaq chaykunata reparay, jinaspa yanapay chaykunata atipananpaq.

1. Tapukuy:

   • “¿Imaraykun mana bautizakunchu, iman jark’ashanman?”.

   • “¿Imaynatan yanapayman?”.

2. Yachachisqayki runa imatas ruwanan iñiyninpi wiñashanallanpaq chayta munakuywan sut’illanta paywan rimanaykipaq Jehová Diosmanta kallpata mañakuy.

5. Yachachisqayki runa mana cambianchu chayqa, saqepuy.

1. Yachachishallankichus icha manañachus chayta yachanaykipaq kaykunata tapukuy:

   • “¿Yachashasqanman jinachu kausan?”.

   • “¿Rinchu juñunakuykunaman, willanchu jujkunaman yachasqanmanta?”.

   • “Unayñataq Bibliata estudiashan chayqa, ¿munanchu Jehová Diospa testigon kayta?”.

2. Sichus yachachisqayki runa mana kallpachakushanchu chayqa, kaykunatan ruwawaq:

   • Iman jark’ashanman chayta reparananpaq yanapay.

   • Sumaqllata niy imaraykus mana yachachinkiñachu chayta.

   • Sut’illantan willanayki jujmanta Biblia estudiayta munaspa imakunatas ruwanan chayta.