¿Listoñachu kashanki hatun p’unchaypaq?

JESUSMI wañupunanpaq ñawpaq tutata qatikuqninkunawan kuska cenarqan, chaypin kamachirqan wañupunan p’unchayta yuyarinankupaq. Chay ruwasqantan sutichakun ‘Señorpa cenan’, nispa (1 Corintios 11:20). Cenayta tukuqtinkun Jesusqa qatikuqninkunata nirqan: “Kaytan ruwankichis yuyariwanaykichispaq”, nispa (Lucas 22:19). Pipas kamachisqanman hina kawsaqqa ancha importepaqmi qhawarin Jesuspa wañusqan p’unchay yuyariyta.

¿Hayk’aqmi wañusqan p’unchayta yuyarikunan? ¿Imatan chaypaq ñawpaqmantaña ruwasunman? Chay tapuykunata kutichisunchis.

Sapa watanmi yuyarina

Kay tiempopiqa hatun p’unchaykunatan sapa watan yuyarikun. Ejemplopaq 2001 watapi 11 setiembre killapin World Trade Center hatun edificiokuna thunichisqa karqanku. Llakikunapaqña chay p’unchay karqan chaypas, askhan chay p’unchayta sapa watan yuyarinku.

Kaqllatataqmi ñawpa tiempopipas ruwaqku (Ester 9:21, 27). Jehová Diosmi Israel runakunata kamachirqan Pascua fiestata celebranankupaq, chaypin yuyariqku Egiptomanta Diospa kacharichisqan kasqankuta. Chaytan sapa watan celebraqku hayk’aqchus kacharichisqa kasqanku p’unchaypi (Éxodo 12:24-27; 13:10).

Jesusqa qatikuqninkunawan Pascua fiestata celebrayta tukusqan qhepamanmi wañupunan p’unchayta yuyarinapaq cenata qallarichirqan (Lucas 22:7-20). Pascua fiestaq rantintataq Señorpa Cenanta ruwapurqanku chayqa, chay yuyariyqa sapa watanmi apakunan. Ichaqa, ¿hayk’aqmi chayta yuyarina?

Yuyarinapaq p’unchay

Hayk’aqchus Jesuspa wañusqanta yuyarinapaqqa kaykunatan yachananchis. Ñawpaqpiqa, Judiokunaq calendarionpi p’unchaykunaqa manan ñoqanchispa hinachu kuska tutapi qallarin aswanpas tardentan, chayqa Inti haykusqanmantapacha paqarisnintin Inti haykupunankaman (Levítico 23:32).

Iskaykaq, judiokunaq calendarionpi killakunapas manan kaqllachu ñoqanchispa calendarionchiswan. Chay tiemponkupiqa hukniraymi killakunaq sutin karqan: adar, nisán nisqakuna, hinaspapas mosoq killamanta huk mosoq killakaman karqan (Ester 3:7). Pascua fiestataqa wata qallariy killapin ruwakurqan 14 nisán p’unchaypi (Levítico 23:5; Números 28:16). Chay kikin p’unchaypin, ichaqa 33 watapi 1.545 watakuna pasasqan qhepaman romanokuna Jesusta kurkupi wañuchirqanku. Chay p’unchaymi cristianokunapaqqa ancha importante.

Hukniraytaq calendarionchis chayqa, ¿imaynapin yachasunman ima p’unchaywan 14 nisán tupasqanta? 1 nisán p’unchayqa qallarin mosoq killa 21 marzoman qayllaykushaqtinmi otaq qhepamanpas (20, 21 marzopiqa tutawan p’unchaywanmi igual horaskuna), chay mosoq killan rikukun Jerusalenpi tardeyaykushaqtinña. Chaymantapacha chunka tawayoq p’unchayta yupaspan Jesuspa wañusqan p’unchayman chayasun. Chay tutan pura killa kan, maynillanpin mana. Chhaynapin, Bibliaq nisqanman hina tanteaspa yachanchis 14 nisán p’unchay kay watapi 17 abril killawan tupasqanta, chayqa Inti haykuy qhepatan qallarin.a

Jehová Diospa testigonkunaqa ñan preparakushankuña Jesuspa wañupusqanta yuyarinankupaq. Pipas paykunawan kuska chay p’unchay yuyariyta munaqqa invitasqan kashan rinanpaq. Sichus yachayta munanki maypi ima hora apakunanta chayqa, Jehová Diospa testigonkunata tapukuy. Yachasqanchis hina, manan p’unchaychu kanqa aswanpas Inti haykuy qhepatan, chaytan Jesuspas ruwarqan yachachisqankunawan (1 Corintios 11:25). 2011 wata domingo 17 abril ch’isipin Señorpa Cenan celebrakunqa, qallariypi chay cena ruwasqankumantan 1.978 watakunaña pasarqon. Hinaspapas 14 nisán qallarinqa, chay p’unchaymi Jesús wañupurqan. Chay p’unchayqa ancha allinmi sacrificionta yuyarinapaq.

¿Ñachu listoña kashanki?

¿Imaynatan preparakuwaq chay p’unchayta yuyarinaykipaq? Jesús ñoqanchisrayku ruwasqanpin yuyaymanawaq. ¿Imatapunin Biblia yachachin? libron millonninpi runakunata yanaparqan Jesuspa wañusqanta allinta entiendenankupaq valoranankupaqpas (Mateo 20:28).b

Sonqonchista yuyayninchista preparallasunmantaq Jesús kay pachapi imakuna ruwasqanta yuyarispa. Qatimuq paginakunapin kashan kinsa t’aqakuna. Chawpikaq t’aqapi willashan Jesuspa wañupunan p’unchay qayllaykamuqtin imakuna sucedesqanta, lloq’e ladopi willashan judiokunaq calendarionmanta kay tiempo calendariomantawan. Paña ladopitaq Bibliamanta textokuna, El hombre más grande de todos los tiempos nisqa libroq wakin capitulonkunapiwan kashan.c

Kallpachaykiku Jesuspa Wañusqanta Yuyarina p’unchay qayllaykamushaqtin sapa p’unchaypaq textokunata leenaykipaq. Chhaynapin listo kashanki chay p’unchayta yuyarinaykipaq.

[Uranpi willakuykuna]

[14 paginapi willakuy]

2011 wata domingo 17 abril p’unchaytan yuyarikunqa Jesuspa wañusqanta

[15, 16 paginakunapi lista dibujokunapiwan]

(Imaynapuni kasqanta yachanaykipaq, qelqata qhaway)

WAÑUPUNAN SEMANA

2011: martes 12 abril

▪ Sábado (samana p’unchay)

□ Juan 11:55–12:1

□ gt-S 101 pars. 2-4d

9 NISÁN (Inti haykuytan qallarin)

Willakuy: Judiokunaq calendarionpiqa huk p’unchaymi karqan Inti haykuymanta paqaristin Inti haykuykama

▪ Lepra onqoyniyoq Simonpa wasinpi mikhuy ruwakun

▪ María sutiyoq warmi Jesuspa umanman q’apaq hawinata hich’aykun

▪ Judiokunan hamunku Jesusta Lazarotawan qhawaq

□ Mateo 26:6-13

□ Marcos 14:3-9

□ Juan 12:2-11

□ gt-S 101 pars. 5-9

2011: miércoles 13 abril

▪ Jesusmi Jerusalenman haykun

▪ Diosta yupaychana wasipi yachachin

□ Mateo 21:1-11, 14-17

□ Marcos 11:1-11

□ Lucas 19:29-44

□ Juan 12:12-19

□ gt-S 102

10 NISÁN (Inti haykuytan qallarin)

▪ Betania llaqtapi qhepakun

2011: jueves 14 abril

▪ Paqaristintaq Jerusalén llaqtaman rin

▪ Qhatuqkunata yupaychana wasimanta qarqon

▪ Jehová Diosmi hanaq pachamanta rimamun

□ Mateo 21:12, 13, 18, 19

□ Marcos 11:12-19

□ Lucas 19:45-48

□ Juan 12:20-50

□ gt-S 103, 104

11 NISÁN (Inti haykuytan qallarin)

2011: viernes 15 abril

▪ Yupaychana wasipi riqch’anachiy simiwan yachachin

▪ Sut’iman horqon fariseokuna iskay uya kasqankuta

▪ Viudaq pisi qolqe churasqanmanta yachachin

▪ Jerusalén llaqta thunisqa kananmanta willan

▪ Imachus kay pachapi sucedananmanta willan

□ Mateo 21:19–25:46

□ Marcos 11:20–13:37

□ Lucas 20:1–21:38

□ gt-S 105-112 par. 1

12 NISÁN (Inti haykuytan qallarin)

2011: sábado 16 abril

▪ Betania llaqtapi qatikuqninkunawan kashanku

▪ Judas Jesusta traicionananpaq yuyaykun

□ Mateo 26:1-5, 14-16

□ Marcos 14:1, 2, 10, 11

□ Lucas 22:1-6

□ gt-S 112 pars. 2-4

13 NISÁN (Inti haykuytan qallarin)

2011: domingo 17 abril

▪ Pedrowan Juanwanmi Pascua fiestapaq preparanku

▪ Jesús chunka qatikuqninkunawan tardeyaykuyta chayanku

□ Mateo 26:17-19

□ Marcos 14:12-16

□ Lucas 22:7-13

gt-S 112 par. 5-113 par. 1

14 NISÁN (Inti haykuytan qallarin)

▪ Jesús Pascua fiestata celebran

▪ Qatikuqninkunaq chakinta mayllin

▪ Judasta qarqon

▪ Wañusqan p’unchayta yuyarinankupaq kamachin

□ Mateo 26:20-35

□ Marcos 14:17-31

□ Lucas 22:14-38

□ Juan 13:1–17:26

□ gt-S 113 par. 2-116

kuska tuta

2011: lunes 18 abril

▪ Getsemaní huertapin Jesús traicionasqa, presotataq hap’inku

▪ Qatikuqninkuna saqerparinku

▪ Uma sacerdotekuna Sanedrinpi huchachanku

▪ Pedro mana reqsiqman tukun

□ Mateo 26:36-75

□ Marcos 14:32-72

□ Lucas 22:39-62

□ Juan 18:1-27

□ gt-S 117-120

▪ Hukmanta Sanedrinman apanku

▪ Pilatoman apanku, Herodesman, Pilatoman kutichinku

▪ Wañuchinankupaq huchachanku k’aspipitaq warkunku

▪ Kinsa horas tardenta hina wañupun

▪ K’aspimanta uraykachispa p’ampapunku

□ Mateo 27:1-61

□ Marcos 15:1-47

□ Lucas 22:63–23:56

□ Juan 18:28–19:42

□ gt-S 121-127 par. 7

15 NISÁN (Inti haykuytan qallarin)

▪ Sábado (samana p’unchay)

2011: martes 19 abril

▪ Pilato kamachin Jesusta p’ampasqanku cheqaspi guardiakunata churanankupaq

□ Mateo 27:62-66

□ gt-S 127 pars. 8, 9

16 NISÁN (Inti haykuytan qallarin)

□ Marcos 16:1

2011: miércoles 20 abril

▪ Jesús kawsarimpun

▪ Jesús qatikuqninkunaman rikhurin

□ Mateo 28:1-15

□ Marcos 16:2-8

□ Lucas 24:1-49

□ Juan 20:1-25

□ gt-S 127 par. 10-129 par. 10

[Uranpi willakuy]