¿Llapa religionkunachu confianapaq?

¿Imatan ruwawaq onqoyniyoq kasqaykirayku operanasuykiku kaqtin? Huk allin doctortachá maskhawaq kawsayniykita payman confianaykipaq, kawsayniykiqa paymantan kanqa. Chaymantapas tapuwaqchá onqoyniyki hina onqoyniyoq runakunata hayk’ataña operasqanta.

Religionwanpas yaqa kaqllataqmi, allintan yachananchis imayna kasqanmanta. Sichus religionniyki kan chayqa, imaynata Diosta servinaykipas salvakunaykipas chaymantan kanqa.

Jesusmi nirqan: “Sapanka sach’aqa rurusqanpin reqsichikun”, nispa. Chay nisqanqa yanapawanchismi religionkuna imayna kasqanta qhawarinapaq (Lucas 6:44). Mayqen religionpipas yuyaykuy, hinaspataq qhawariy imayna ‘rurusqanta’. ¿Qolqe sonqochu kanku umalliqninkuna? Chay religionpi kaqkuna, ¿Bibliaq nisqanman hinachu ruwanku guerrakuna kaqtin? ¿Bibliaq nisqanman hinachu allinta kawsanku? Chaykunata t’aqwisqanchis qhepaman, ¿kanmanchu mayqen religionllapas confianapaq hina? Chaykunamanta yachasun.