BIBLIAMANTA TAPUKUYKUNA

¿Llapa religionkunachu Diosta kusichin?

Noticiakunata uyarispaqa repararqankichá religionkunaq sutinpi sinchi millaykuna ruwakusqanta. Arí, manan llapa religionkunachu Diosta kusichin (Mateo 7:15). Yaqa llapa runakunan engañasqa kawsanku (Leey 1 Juan 5:19).

Diosqa reqsinmi allin sonqoyoq runakunata cheqaq kaqta chanin ruwaykunatawan munakusqankuta (Juan 4:23). Paykunatan yanapan Bibliapi cheqaq kaqta reqsinankupaq (Leey 1 Timoteo 2:3-5).

¿Imaynatan tariwaq cheqaq religionta?

Diosqa imaymana religionniyoq runakunatan hukllachashan. ¿Imaynatan ruwashan? Cheqaq kaqta, paykunapura munanakuytawan yachachispa (Miqueas 4:2, 3). Imaynatachus huk religionpi kawsasqankuta rikuspan yachawaq cheqaqchus icha manachus chayta (Leey Juan 13:35).

Jehová Diosqa cheqaq religionwanmi imaymana clase runakunata huñushan (Salmo 133:1)

Cheqaq cristianokunaqa Bibliapin iñinku, kasukunkutaqmi Diospa kamachikuyninkunata (2 Timoteo 3:16). Diospa sutintapas respetankun (Salmo 83:18).a Predicankutaq Diospa gobiernon tukuy mana allinkaqta tukuchinanmanta (Daniel 2:44). Jesús hinan k’ancharinku runamasinkuta yanapaspa (Mateo 5:16). Paykunata ratolla reqsiwaq wasin-wasinta predicasqankumanta (Leey Mateo 24:14; Hechos 5:42; 20:20).

Astawan yachayta munanki chayqa ¿Imatapunin Biblia yachachin? nisqa libropi 15 capitulota maskhay, chaytaqa Jehová Diospa testigonkunan ruwan

Horqowaqmi www.pr2711.com/quz nisqamanta

a Bibliaq tukuyninpi “sut’inchasqa simikuna” nisqapi willashan Diospa sutin Jehová kasqanta.